蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月05日

隔牆有耳:
港區政協倡街名去殖化 
皇后大道東 改名麗媛道? - 李八方

8,678

每年北京兩會期間,都有唔少愛國紅人發表「偉論」,今年又點會例外?為咗配合阿爺去殖化「柯打」,有政協委員促使特區政府去掉同埋減少殖民政府留下嘅符號,仲話可以由香港嘅地名同道路名開始。「知己一聲拜拜遠去這都市,要靠偉大同志搞搞新意思」,唔少人噚日即刻將羅大佑同蔣志光嘅《皇后大道東》狂loop,同時亦「一呼百應」自發配合佘委員嘅愛國大業,提出好多精闢建議,其中「雜種道」就好多人like,阿爺唔知肯唔肯制?

仲話要激發幼兒愛國

全國政協委員嘅港區特邀委員一席難求,榜上有名嘅,又點可以唔為國家效力?網上資料顯示係香港德輝國際(集團)總裁嘅佘德聰,噚日喺政協港區小組會議中提到,港人喺回歸後都係「國民」,無論一國一制抑或一國兩制,愛國都係基本義務,覺得香港應該關注幼兒嘅愛國情感教育,從小培養同激發幼兒嘅愛國情懷。
呢位福建幫繼而提出大膽建議,指中央政府喺適當時間,促使特區政府去掉殖民符號,包括街道名同地名等。嘩,羅大佑回歸前唱過嘅「但是旺角可能要換換名字」歌詞,竟然真係殺到埋身,自然又惹嚟政界議論紛紛,去殖化一直係中共喺特區回歸後要推行嘅目標,𠵱家有政協委員代表提議,特區政府點敢唔遵從。
有啲網民好有心,為免特區政府為街道改名頭痕,提供唔少貼市好建議,除咗好貼合中共政局的「雜種道」,就連習大大另一半都關顧埋,用彭麗媛代替皇后變成「麗媛大道東/中」,八方唔知大家點睇,但有網民感嘆話「人心唔想回歸,改咩名都冇用」,相信都講中大家嘅心聲。

識睇睇留言

Sunny Tse:叫彭麗媛皇后大道東咪得囉
Johnny Li:羅大佑1990年果然就預見到「硬幣上那尊容變烈士銅像」、「但是旺角可能要換換名字」,哈
Hy Cheung:解放大道西又解放大道東 解放大道東轉 解放大道中
解放大道東上 為何無故宮 解放大道中 人民如潮湧……
Dixon Chen:那是歷史一部份,我不要香港變成毫無特色的內地城市
Chan Cheuk Ki:不如叫皇上大道東啦。啱晒政治潮流。
Yoyo Fung:咪做無聊嘢啦,有錢有腦就做啲建設性啲嘅嘢……
Jessica Johnson:一個國家值得愛,人民自然會愛,毋須強迫,亦無法強迫
Chris Crucis:人心唔想回歸,改咩名都無用。
Waterpot Lee:改做人民大道東啦!鄧小平喺度個時重話回歸淨係換支旗,𠵱家乜都要改!
Sam Hou:改掉地名就是刪改歷史,刪改歷史就會忘記割地屈辱,難道這叫愛國教育麼?這叫做鴕鳥教育就真!
資料來源:《蘋果》網頁


李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載