蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月03日

社企課程 培訓失業婦變大妗姐

8,011
冰姐(左)及萍姐兩年前失業轉投大妗姐工作,一做便愛上。王子俊攝

【本報訊】「新人入屋,金銀滿屋,大富大貴大吉祥,添人添口又添財。」這句是大妗姐於新人入門時會說的金句。大妗姐一般都是單人行事,但入行兩年的萍姐及冰姐卻孖咇完善服務,互補不足,中年失業後喜獲新興趣及新目標,賺到的錢不多,獲得的滿足感卻是無價。

行孖咇互補不足

港人婚禮籌備時間長,中西合璧使費高昂,香港婦女中心協會提供課程及平台學習及工作,自兩年前更順應課程,成立社企「好日子」,提供大妗姐等中式婚禮一條龍服務,協助婦女生活得更充實,提供予新人的雙人大妗姐收費亦是坊間的六折。
萍姐及冰姐兩年前失業後,打算認識新技能重投社會,大妗姐沒退休年齡限制,加上工作性質喜慶歡樂,於是一學一做便愛上大妗姐的工作,「我哋會形容大妗姐係全能保母,試過就連姊妹嘅淘寶姊妹裙甩咗線頭都係我哋補,奶奶件披肩一路行一路跌,我哋都要提」,二人至今做過15對新人的大妗姐,由敬茶到回門,越做越專業。
她們「行孖咇」可令婚禮中甩漏的情況減少,萍姐解釋做大妗姐的禁忌,「例如打爛嘢係忌諱,兩個大妗姐一齊就可以打圓場,打爛嘢就講落地開花,富貴榮華,碎碎(歲歲)平安」,「試過有新抱同奶奶本身有啲不和,我就要喺斟茶前調停」。
斟茶時,一對新人對長輩的稱謂不能出錯,「有啲大家族,稱謂好複雜,不是常見嘅稱謂,為免出錯,我哋都會用三姑六婆App,一打就知點叫」,萍姐做大妗姐行業中的新人,收入不算高,冬季是婚宴高峯期的一兩個月,收入最高的月份約一萬元,但賺來的經驗並非金錢可比,「試過有婚禮係一共10個大妗姐加大妗爺,嗰家人想十全十美」。
■記者梁佩珊

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載