蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年02月25日

葉車長:預咗第一個炒我

58,522
葉蔚琳被要求落車後激動落淚。

【本報訊】月薪車長大聯盟發起人葉蔚琳昨日見記者時多次哽咽及流淚。行動開始前她接受訪問,表示聯盟無資源、無政黨支持,最初只是以WhatsApp與其他同事討論,現時已逾千人參與聯盟。被問到會否擔心被處分時,她哽咽說「我第一個企出嚟,第一個罰我先,死就死我先,冇所謂,預咗㗎啦!」又指「點解咁小嘅要求,為咗大眾着想,為咗司機能夠愉快工作,點解九巴(高層)唔肯坐低(與員工商量)」。
今次行動遭九巴阻撓,成效不大,葉蔚琳情緒變得激動,向記者哭訴「點解我哋呢啲小市民要受到咁嘅迫害……(公司)咁樣欺壓我哋,香港點會文明呢?」她說自己最初加入九巴時滿腔熱誠,歸屬感很大,「平平安安送人返屋企」,不過,近年管理層人事改變後,公司的文化也有改變,感到非常悲哀。

相關新聞:狀元車長批評發死人財

已盡力故無憾

葉強調,今次發起行動,除了爭取改善待遇外,也是希望捍衞員工的尊嚴。對於工業行動不算成功,她慨嘆已經盡力一試,只能說句無憾,也預期自己會被解僱,「我冇咗份工都會有飯食,最多攞綜援」。
■記者陳建平

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載