› 選擇地區
三藩市
紐約
洛杉磯
其他美國地區
香港 台灣 北美
 
2018年02月23日

隔牆有耳:翻hit清宮裝 利敏貞艷驚邱騰華
好波士十字真言由外讚到內 - 李八方

近日政商界官場熱話,咪以為係林鄭治下任何一項政策,一地兩檢要硬過關?大家都似乎話之你,紛紛花時間去研究某女高官嘅一襲奇裝。商務及經濟發展局常任秘書長利敏貞周二、即係大年初五出席記者招待會嘅紅綠「鳳袍」,令人「目不暇給」,陪佢一齊出席記招嘅商經局局長邱騰華不單唔介意被搶fo,噚日仲以十字真言大讚呢位焦點下屬!

稱開工着靚衫係「恰如其份」

唔少人都話,利敏貞嘅鳳袍似清裝好難carry,難得年約52歲嘅利敏貞卻着出獨有嘅自信,鋒芒畢露,將隔籬嘅邱騰華比下去。八方噚日喺鄉議局團拜問過邱騰華,見到利敏貞盛裝赴會時,有冇「眼前一亮」?佢話喎,新年後嘅首個工作天,利敏貞一身華服係「恰如其份」,而且佢專責創意產業,自然有啲fashion sense,完全唔覺有問題。
事實上呢,利敏貞亦令更多人留意當日記招內容,邱騰華仲大讚利敏貞講嘢好有point,但就冇講明,係咪特別想講利敏貞寸爆無綫嗰部份?但就吐出十字真言,總結利敏貞嘅矚目登場:「着衫有亮點,講嘢有重點!」嘩,瞓身力撐下屬,唔少網民大讚邱騰華係好波士!


李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載