› 選擇地區
三藩市
紐約
洛杉磯
其他美國地區
香港 台灣 北美
 
2018年02月21日

指有愛國愛港人士「睇唔過眼」
田北辰稱兩會提案促解釋軟禁劉霞

田北辰指不少建制派經常揣測「聖旨」,未必吐出真心話。陳善南攝

【本報訊】去年底的港區人大代表換屆選舉,未有凡事保皇的田北辰競逐連任時被部份建制派排擠,田坦承部份言論會令死硬建制派「唔啱聽」,但不少開明建制、包括中央領導都認同其出發點是為國家好,透露有愛國愛港人士對劉霞被無了期軟禁「睇唔過眼」,請他跟進,故3月兩會期間他會就此提案,除非說明劉霞被軟禁之因,否則應取消軟禁安排。 
記者:許偉賢

相關新聞:撐選舉主任DQ準則聚焦港獨

田北辰在新一屆人大代表選舉中得票率較上屆有增長,可見「反叛」也有市場。田接受訪問時強調近代中國史上最強,希望優勢繼續維持,「我好支持(國家)經濟發展,但都要平衡公義、人權、道理嗰幾方面」,指不少不幸事件絕非中央落「柯打」,「我哋樣樣都入中央數,但九成九(中央)根本係唔知,係控制唔到地方咁做」,並以銅鑼灣書店負責人李波失蹤事件為例,「我肯定上面(中央領導)係唔知」。
田指不少建制派經常揣測「聖旨」,「會諗乜嘢啱聽、乜嘢唔啱聽」,未必吐出真心話;與其「估估吓」,索性按良心說話,指中央明白他以國家發展為出發點,「長遠都係為佢好」。

會了解修改《基本法》可能性

部份建制派眼中的「壞孩子」3月兩會又有異動,田透露就人大選舉拉票期間,有愛國愛港人士「睇唔過眼」,「佢同我講:劉霞呢單嘢,唔該你喺3月上去時(開會)幫吓手、搞吓問吓吖,佢老公都過咗身咯,佢自己做咗啲乜嘢呢?佢犯過啲乜嘢錯箒?你(中央)成日話依法治國,聽講最近又放咗(劉霞),唔少香港人好關心」。
田明言兩會期間會就此提案,「我都準備會問:聽講有人長期遭軟禁,但國家嘅法制,你係冇得無限期軟禁㗎嘛,你一係提出有某啲原因,如果唔係,就不如索性取消(軟禁安排)啦!」
與此同時,田亦觸及另一個建制派眼中的「禁地」,會向內地了解修改《基本法》的可能性,指中國憲法至今已幾度修訂,《基本法》卻從未作任何修改,認為《基本法》第一章的主軸當然不能改動,「但《基本法》有百幾條喎,其他嘢係咪冇得郁?」
田指除了第107條有關預算案要「量入為出」條例「唔清唔楚」,也稱第22條涉及的單程證審批權有修訂空間:「上面(中央)單方面話點就點,要求邊個有得嚟就有得嚟,呢個安排喺97年嗰時係明嘅,但𠵱家係2018年,仲係咪要咁呢?」「我哋香港人透過我哋政府,都唔可以有權參與(審批)乜人可以來港定居同香港分享我哋嘅公共資源?呢樣嘢我俾人問得最多」。
田同時會就港商在內地設廠的稅務問題,例如法例沒列明、但地方政府卻以「行政措施」為由收取稅款提案,以及高鐵西九站的內地口岸區,乘客是否仍然有訊息發放的自由等事宜於是次兩會跟進。

相關新聞:曾阻狗肉節公開屠宰

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載