蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年02月14日
馬上成為壹會員

隔牆有耳:200人共創
紙摺撒灰器詩意送別 - 李八方

啟民創社成立嘅「社創設計室」,收集逾200個設計學生同長者共創嘅意念,以「死物習作」為題,通過跨代討論,設計出以紙摺嘅花園葬撒灰器「信別」,令死後仍然可以有詩意。

雙手撒如擁抱

啟民創社創辦人李欣琪透露喺跨代創作過程中,發現大部份人關心同感興趣嘅係花園葬,即係將先人火葬後嘅骨灰灑到花園,佢哋帶學生到花園葬現場考察,發現傳統花園葬嘅撒灰器設計上有可以改進的地方,如風大時撒灰者或會「食晒」啲灰,撒灰器亦太機械化,難以將情感表達,「有老人家提出(撒灰過程)可唔可以慢啲?可唔可以詩意啲?又有人要求用雙手撒,喺最後嘅時間被家人擁抱」。
結果成員經過多次創作,設計出用紙摺成嘅撒灰器信別,等家人可以先喺撒灰器寫上祝願,以雙手撒灰後再將信別放於化寶爐火化,以輕煙送別先人最後一程,此舉免除共用撒灰器,亦讓撒灰過程完整同有詩意。
啟民創社希望信別未來可以應用到食環署的花園葬儀式,同時會改善其他設計,探討撒灰嘅其他可能。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載