› 選擇地區
三藩市
紐約
洛杉磯
其他美國地區
香港 台灣 北美
 
2018年02月14日

隔牆有耳:屈穎妍︰九巴車禍要由佔中查起 - 李八方

屈穎妍噚日喺專欄以〈金鐘的蝴蝶與大埔的龍捲風〉為題,無厘頭將佔中同大埔公路九巴翻車造成19喪命拉埋嚟講,佢話娥特委任法官全力調查意外,應由2014年佔中事件查起,因兩者令佢諗起「蝴蝶效應」嘅故事。

陳健民︰無限上綱

屈指佔中係打開潘多拉盒子,「它釋放了人的獸性、罪惡心。自從那年開始,香港原本的投訴文化變本加厲,人們一不如意,就兇人、罵人、影你相、撩交打,以人權、私隱、公義為藉口作惡,罵人打人,都美化成替天行道」,又形容「金鐘的一場佔中暴亂,就是拍翼蝴蝶;大埔車禍,是之後的龍捲風。於是,遲開車的司機,受千夫所指;忍無可忍的車長,以油門和軚盤報復,最後,兩敗俱傷」。
佔中發起人陳健民話佔中的確好似打開咗潘朵拉盒子,但就似釋放類似屈穎妍呢啲咁邪惡、妖言惑眾嘅言論,表現人性醜惡嘅一面,「佔中就好似一塊照妖鏡,畀我哋睇到好似屈穎妍呢啲人」,佢話其實懶得去回應屈穎妍嘅專欄,明眼人都睇得出似文革,無限上綱,稍微清醒嘅人都覺得屈唔合理。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載