› 選擇地區
三藩市
紐約
洛杉磯
其他美國地區
香港 台灣 北美
 
2018年02月13日

袒護鄭若驊 搶答法律問題

陳帆

【本報訊】多名民主派議員昨在會上引用大律師公會聲明,質疑一地兩檢欠缺法理基礎,批評政府手法是「大石砸死蟹」。面對連番質疑,出席委員會解畫的律政司司長鄭若驊只反覆重申政府立場,「戰鬥力」薄弱,陳帆一度不理反對「搶答」,聲稱要「讓一啲唔識法律嘅人,都可以講吓一啲普通人嘅睇法」。

相關新聞:建制派包攬草委會正副主席

「講吓普通人嘅睇法」

民主黨黃碧雲指人大決定未有提出具說服力的法理理據,猶如「大石砸死蟹」,望鄭以書面回應大律師公會質疑,又指至今看不到政府能將香港部份土地「割出去」,在《基本法》附件三外,不落實香港法律的法律理據。
鄭回應時稱黃「可能或者有少少誤解咗個情況」,指內地口岸區是透過本港和內地簽訂租用安排落實,又指一地兩檢安排下,「香港邊境地域無變過」,僅調整境內司法管轄權,屬細小、「特殊用途嘅適用法律調整」。
黃追問相關法律理據時,陳帆搶答指:「或者讓一啲唔識法律嘅人,都可以講吓一啲普通人的睇法。」黃強調要求鄭若驊而非陳帆回答,陳堅持與鄭是「團隊」,指「西九龍站執法單位,係內地執法單位。如果(基本法)18條嗰啲,係香港執法單位」,強調「人大常委批准文件已解釋得好清楚,我試圖用普通人角度睇清楚」。
立會法律顧問亦就一地兩檢安排提出多個問題,希望政府能在委員會第二次會議前回覆。陳淑莊會後指,法律部過去甚少就政府草案開始審議之初即提出多條詳細憲法問題,「好明顯今次一地兩檢唔只係交通問題,我哋講緊係香港憲制上一個最大嘅危機」。
■記者林俊謙

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載