蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年02月13日

陳帆盲撐一地兩檢 「人大等同樞密院」 
泛民:唔識《基本法》點做局長?

14,032

【一地兩檢割地】
【本報訊】立法會《廣深港高鐵(一地兩檢)條例草案》委員會昨召開首次會議,運房局局長陳帆席間揚言,若一地兩檢本地立法未能及時完成,高鐵將通車無期,他更將全國人大常委會等同回歸前的英國樞密院,指過去港人非常尊重樞密院判決。有民主派質疑此說有意令法院不敢受理巿民就一地兩檢提出的司法覆核,並質疑他連《基本法》訂明香港的最終審議權在終審法院也不知道。
記者:林俊謙

一地兩檢法案委員會昨召開首次會議,工聯會麥美娟關注若立法會未能及時完成本地立法,會否影響高鐵香港段通車,陳帆回應指若本地立法未能及時完成,「高鐵開通係遙遙無期」,亦即「通車無期」,呼籲議員理性務實審議條例。
人民力量陳志全問到若有巿民就一地兩檢提司法覆核,並令政府敗訴,「政府係咪即刻停車?或者實行兩地兩檢?」陳回應指,高鐵香港段一直按一地兩檢初衷而設計和建造,法案委員會若不通過本地立法,「一地兩檢基本上行唔到」,形容「呢個都係我哋香港人法治精神嘅體現」。
陳接着再主動補充說:「我作為一個唔係法律界嘅人士,我回想當年香港法例,如上訴去到樞密院判咗出嚟,基本上大家都非常尊重,咁我哋國家人大常委,佢係等同、如果我要勉強講,無法律基礎,係等同樞密院呢個法律最高權力機構作出判斷,然後你話你唔同意,呢個有少少……」

議員憂令法庭不敢接覆核

陳志全聞言即打斷言論,質疑:「如果局長咁講,即係叫法庭唔好接受司法覆核?因為人大係樞密院,係咪咁講?叫佢哋慳番啲錢?」陳帆否認,指若以法治精神而言,全國人大常委會已是最高法律來源,「如果要依法同體現法治精神,我覺得精神一樣」,陳志全即指:「我好不安,局長講完,我怕法庭唔敢接受。」
身兼一地兩檢關注組召集人的公民黨陳淑莊追問,立會會否就至今並未正式諮詢公眾的一地兩檢召開公聽會,委員會主席葉劉淑儀說:「可以安排,但要搵時間。」
陳淑莊會後批評,陳帆未能詳細回覆一地兩檢的基本問題,做法不負責任,「政府連恒常班次有幾多又唔講、票價幾多又唔知,甚至更新咗嘅財務估算、內部回報率幾多都唔知」,認為建制派和政府聯手強迫立法會盡快通過議案,並將通車無期責任推卸至民主派議員身上是「大石砸死蟹」,做法不公道。
她更批評陳帆作為政治任命官員,卻對《基本法》認識薄弱,甚至試圖誤導巿民,做法可笑,「局長竟然攞人大常委會比較樞密院,佢連基本法下最終嘅審議權屬於香港終審法院都未搞清楚,我唔知佢係咪被洗腦洗得太多?好可惜洗唔到我哋腦,佢連呢啲基本知識都冇,我真係唔知佢點解可以做局長」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載