蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年02月12日
馬上成為壹會員

隔牆有耳:
蔡伯勵評戊戌年生肖運程 
娥特慎小人 若驊吉星照 - 李八方

戊戌狗年就到,唔少市民關注各個生肖嘅新一年運程。屬雞嘅林鄭月娥就喺本命年登上特首寶座,踏入狗年換成新科律政司司長鄭若驊嘅本命年,有127年歷史嘅廣東真步堂第三代傳人、年達96歲高齡嘅曆法權威蔡伯勵分析,屬狗者有吉星「華蓋」覆蓋,來年可「坐擁太平」,唔知通佢場僭建風波可以大步檻過?蔡伯勵亦叫屬雞者要注意健康,同時要小心小人。
至於虎、兔、蛇、馬,蔡伯勵亦話係來年當旺生肖,當中肖虎者來年有吉星「三台」,可大事化小,名利有餘;兔亦有吉星「月德」守命,能喜上眉梢;蛇則有吉星「紫微」,雖有凶星「天厄」,但不足為患。而屬馬者,如前特首梁振英咁吖,亦有吉星「將星」披甲,可借虎添威,連任政協副主席嘅689,唔通新一年繼續逃過UGL風波涉及嘅難關?

狗年宜以靜制動

至於屬猴者,雖有吉星「文昌」,但有凶星「吊客」,要留意長者健康,前特首曾蔭權就係呢個生肖嘞!
至於鼠、牛、羊、雞、豬,喺狗年運程則屬中等,其中肖雞未有吉星,卻有凶星病符,蔡伯勵提醒林鄭等屬雞者要注意健康,亦要小心小人。肖龍者則與戌相沖,係12生肖中最差,會遭逢凶星「歲破」,建議凡事謹慎。
去年香港政壇風波不斷,唔少人都寄望狗年可以雨過天晴,蔡伯勵亦推算,戊戌狗年情況相當嚴峻,社會仍有唔少爭拗擾攘,政制續有壓力,金融發展平平,地產亦放緩,僅科技行業可一枝獨秀,建議大家狗年宜保守,以靜制動,勿過份進取。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載