蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年02月09日
馬上成為壹會員

隔牆有耳:
蛙男姚松炎籌旅費返立會
明信片寄支持者  「出走」期間帶團遊九西 - 李八方

姚教授着上綠色大褸,扮旅行青蛙呼籲市民捐款支持選戰。姚松炎提供圖片

日本手機遊戲《旅行青蛙》紅透中港台,代表民主派參加九龍西補選嘅姚松炎教授,亦趕熱潮化身「蛙男」,現身遊戲介面,透露現時只有約20萬選舉經費,距離100萬嘅目標仍有一段距離,涉及選舉郵件定金及印刷、郵件尾數同宣傳,以及造勢大會同單張印製的經費仲未達標,呼籲大家多多捐款支持佢重返議會之旅。
姚教授又搞笑咁叫大家放心,話只要得到大家支持,佢每日就會送上街站「明信片」,亦會每星期公佈行蹤,大家唔使擔心佢會「走失」,佢仲識自己每日執書包出門,唔使大家操心喎!

籲一人千元集氣

佢重返議會之路絕不容易,除咗政綱論述要齊全、論壇要擊敗對手,亦要有經費維持活動與文宣,呼籲大家「一人一千」撐佢。有意支持嘅市民可捐款到以下恒生銀行戶口:236-444-139-001。
而喺重返議會之前,姚教授繼續喺九西區內遊走,佢喺facebook自揭同九西淵源,包括自小喺九西長大,親歷九西各區變化,大學任教時期更成日以九西社區作為課室,同學生實地研究各區歷史,探索城市發展和規劃嘅軌迹。原來佢早前仲同團隊搞咗兩次「九西遊行團」,親自做導遊搞深度遊,同大家遊走九西,發掘每個角落特別之處。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載