› 選擇地區
三藩市
紐約
洛杉磯
其他美國地區
香港 台灣 北美
 
2018年02月06日

隔牆有耳:一個耶穌叫參選 一個自稱似若驊
新東雙玉互片 九唔搭八 - 李八方

就到3.11補選,新東選民今次有兩塊「美玉」選擇,一個係人稱娥姐嘅陳玉娥,另一個係將「主耶穌愛你」掛喺口邊嘅趙佩玉,兩人噚日喺選舉論壇美玉相輝,趙佩玉話耶穌喺以色列叫佢參選,有電流觸動佢成身,娥姐則自稱同鄭若驊係同類,一樣因公忘私,雙雌期間不停駁火。兩玉相鬥,豈有完璧?唔知最後邊個多票啲?
商台噚日舉行新東論壇,趙佩玉話參選源於2016年喺以色列禱告時,「我親自聽到聲音,主係叫我去參選,返到香港時,一啲姊妹話同我發言禱告時,佢話見到天父畀咗個皇冠我,比咗權柄、權杖同埋斗篷我,都係話我喺政治界會得勝,當時有電流觸動我成身嘅感覺」。

娥姐讚林鄭硬淨完美

娥姐都不甘示弱,形容特首林鄭月娥硬淨又完美,同梁振英係同一類人;而佢則同捲入僭建風波嘅律政司司長鄭若驊係同一類人,點解?因為一樣因公忘私。
曾經不滿趙佩玉公開講「自瀆」嘅娥姐質詢環節向趙發炮,批評佢假扮信徒,抹黑天主,「講三級嘢,整污糟天主,夾硬要求全香港人聽你講嘢,整污糟我耳仔」,質問「點解你咁恐怖」,主持人問娥姐係咪想畀趙回應,娥姐大喝一聲「唔畀」後,趙佩玉忍唔住話「我想講……」但娥姐出口確實快:「我制止你,唔畀你講。因為你係講三級嘢!」兩人其後不斷叠聲,聽眾乜都聽唔到,只聽到趙話自己係盡力保護下一代。當被娥姐鬧佢「扮嘢,天主係唔會饒恕你」時,就使出口頭禪擋駕:「主耶穌愛你!」

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載