› 選擇地區
三藩市
紐約
洛杉磯
其他美國地區
香港 台灣 北美
 
2018年02月01日

隔牆有耳:文匯有個陳庭佳
袁海文都say hi - 李八方

參加九龍西補選14分鐘就因為姚松炎獲確認參選資格而退選嘅白鴿黨袁海文,噚日獲《文匯報》大篇報道「重點招呼」,寸佢「匆匆參選退選,兩粒鐘玩袁」。本身係拔萃仔嘅袁海文對於呢篇報道一啲都唔介意,反而對報道嘅記者「陳庭佳」好有興趣,喺facebook留言:「見到篇報道,再望一望記者個名,心入面就自動rap左出嚟。」仲問:「師弟,真的是你嗎?你別來無恙吧!?」
有留意開學界Rap Music嘅網民相信都對拔萃有個舊生叫陳庭佳唔陌生,當年「拔萃有個大x街、大x街、大x街,佢個名叫做陳庭佳、陳庭佳、陳庭佳」,成為唔少網民嘅洗腦歌詞。由於《文匯報》過去一年有唔少以「陳庭佳」署名嘅報道,所以網上一直流傳當年俾同學用粗口rap問候嘅拔萃仔陳庭佳入咗左報做記者,連網上有關男拔嘅維基資料都將佢歸類為傳媒界「著名校友」。
八方打聽發現,《文匯報》呢個「陳庭佳」其實只係記者嘅筆名,誤中副車嘅男拔陳庭佳,唔知有冇乜特別感受?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載