› 選擇地區
三藩市
紐約
洛杉磯
其他美國地區
香港 台灣 北美
 
2018年01月31日

袁海文:14分鐘即退選不難受

袁海文指民主黨將全力為姚松炎助選。

【本報訊】民主黨袁海文周一報名參加九龍西補選後,因得悉戰友姚松炎成功「入閘」,正式參選僅14分鐘即申請退選。袁笑稱相信創下了最短參選時間紀錄,「我諗呢個紀錄都幾難破」,他透露曾因補選失眠兩晚,坦言考慮參選過程壓力極大,但對退選不感到難受,「我成日好記得外婆做人處事嘅方法,就係幫到人就OK」,稱民主黨將全力為姚松炎助選。

相關新聞:區諾軒料今日獲確認能否參選

壓力極大兩次失眠

本身為深水埗區議員的袁海文坦言民主派初選結束後,無想過有機會代表民主派參加補選。回望今次參選歷程,袁接受訪問時坦言壓力極大,上周曾兩次失眠,包括民協馮檢基宣佈不出任Plan B及民主黨決定支持他出戰補選的兩個晚上。臨危受命的袁坦言:「爭取民主呢條路,從來都非常崎嶇同一定好難,如果呢啲壓力都頂唔到,點可以喺咁長期艱難嘅路,同巿民爭取民主?」
袁解釋決定答應做姚松炎的Plan B,是因為與民主動力開會後知道民主派無其他後備人選,「我承擔咗呢個責任嘅話,起碼可以即時令到民主派停止再喺度諗後備方案嘅爭議,呢個好緊要」。
袁指早前參選不只是個人決定,亦要獲黨支持,對黨中委會支持表示感動,透露黨除答應每名立法會議員捐出5萬元助選,更計劃成立心戰室,應付補選硬仗。
最終袁在姚松炎、馮檢基陪同下報名參選,並在報名完成後僅14分鐘,折返現場提交早已填好的退選申請書。
袁稱前日完成報名後,即與黨友到茶餐廳小休,「我叫咗杯熱檸水,杯嘢都未嚟到,跟住就收到WhatsApp,見到佢哋(姚松炎競選團隊成員)typing緊,即係有消息啦,我就即刻打畀佢哋,佢哋就同我講口頭confirm,我就即刻返去退選」。袁坦言聽到姚成功入閘時「有啲開心」,「因為初選個結果就係想姚教授入到閘,我哋做咁多都係想防止(民建聯)鄭泳舜自動當選」。
袁笑指創下參選時間最短的紀錄,對退選不感到難受,他不諱言早前民主派就出選安排的爭拗,或對民主派選情有短期影響,「嗰時造成咗啲傷害同唔信任,如果真係要建立返個信任,我覺得係一步一步嚟,大家都要放低爭議,專心去助選」,指民主派未來最重要「槍口一致對外」,才有機會勝出硬仗。
■記者林俊謙

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載