› 選擇地區
三藩市
紐約
洛杉磯
其他美國地區
香港 台灣 北美
 
2018年01月27日

隔牆有耳:
去足5日 傳娥特上京照肺 - 李八方

目前喺瑞士出席世界經濟論壇年會嘅娥特下周三又飛北京啦!資料圖片

下個星期特區政府相信好唔得閒,先有傳星期一會出手DQ姚松炎同周庭、律政司長鄭若驊同日又去立會俾議員審、特首林鄭到周三都要去立會出席答問環節,實俾議員圍攻。不過喺呢個多事之秋,政府宣佈林鄭星期三訪京,仲要一去就去5日,仲長過舊年述職。

朝早上立會 下晝趕赴京

有政圈中人發覺,娥特今次北訪行程好奇怪,懷疑當中有景轟。娥特將於今個月31日至2月4日上京訪問5日,其間將出席由港府同一帶一路總商會主辦「國家所需 香港所長-共拓一帶一路策略機遇」論壇,呢位政界中人發現,個論壇係2月3日舉行,為乜娥特要31日就趕上京?仲要上午去完立法會,下晝就要飛,而政府公佈只係話,娥特會拜訪中央部委同其他機構。
政界中人話,不時有傳北京借港官赴京出席活動為名,召佢哋上京見面甚至照肺,今次林鄭力撐嘅律政司長鄭若驊僭建搞到一鑊粥、聽聞連建制派都向北京篤背脊,娥特今次會唔會係俾人召上京解畫兼照肺?仲有DQ姚、周一事,搞到連親建制嘅法律界中人都出聲反對,北京會唔會又叫娥特上去交代?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載