› 選擇地區
三藩市
紐約
洛杉磯
其他美國地區
香港 台灣 北美
 
2018年01月19日

隔牆有耳:女將升呢 老董「腳痛」讓路? - 李八方

董建華

內地各省市政協換班後,新一屆全國政協委員名單稍後亦出爐,雖然只係諮詢式花瓶,但香港政界依然關心特邀港區人士中有幾多人入圍?由於唔少常委年近70又或已連任三屆,例如陳永棋、鄭家純同吳光正等,如無意外都要講byebye。除咗唔少人傳過嘅社團阿頭譚錦球等,八方聽聞全國政協委員嘅工聯會會長林淑儀,連同民建聯主席李慧琼都有可能升呢做政協委員,香港兩大紅色政團女當家,齊齊做阿爺最重要嘅「花樽」。
而對於唔少政商界而言,名單上有冇一個名字,先係焦點。就係現為全國政協副主席嘅董建華!一嚟前特首梁振英喺卸任後獲任政協副主席,一直有聲音話香港無理由有兩個副主席位,加上最近中美外交風雲,例如何志平案以及新鮮滾熱辣,美國德州大學奧斯汀分校拒絕接受阿董嘅中美交流基金會嘅捐款啦,都令人猜測身為阿爺美國特使嘅老董,𠵱家嘅價值有冇今非昔比?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載