› 選擇地區
三藩市
紐約
洛杉磯
其他美國地區
香港 台灣 北美
 
2018年01月12日

林鄭籲包容 民主派轟包庇

【本報訊】捲入僭建醜聞的鄭若驊被揭涉講大話,林鄭月娥昨於答問大會遭多名民主派議員圍攻,要求鄭若驊引咎下台,林鄭則繼續護航,雖稱明白巿民難以接受官員以「唔記得、好忙、冇警覺性」回應僭建問題,但希望「用一個包容態度睇返呢件事」,說法遭議員質疑有關包容實質是包庇。

相關新聞:林鄭處理唐宮「非補錢搞掂」

鄺俊宇斥鄭「大話冚大話」

民主派昨於林鄭進入及離開會議廳時集體高喊「毫無誠信,如何法治?奴才心態,偏坦敗壞!」抗議。民主黨鄺俊宇提問時批評鄭若驊回應僭建之說「一個大話冚一個大話」,指鄭稱2008年按揭文件指其獨立屋無地牢,與近日指今年1月5日前「冇為意到」僭建說法明顯有別,「你(鄭)咁大個地牢都為意唔到,你係咪當香港人儍㗎?」問林鄭會否要求鄭到立法會交代。
林鄭聞言後只稱可與鄭商量,繼而指明白巿民對官員有更高要求,「現時話用唔記得、好忙、或者冇警覺性(解釋),好似好難以接受,但我希望大家用一個包容態度睇返呢件事」。
她重申邀請鄭出任司長時間非常短,又指鄭身為國際仲裁員,其間要處理的事務和壓力,「可能喺我身上發生,我都承受唔到,因為又要公事,又要私事」。
民主黨黃碧雲發問時質疑林鄭「對下屬袒護敗壞,對上體現奴才心態」,不滿林鄭的包容論,「咁跟住16萬公務員點?以後官員犯錯,係咪我哋都要包容佢?咁搞法,個政府仲點有誠信同公信力?」林鄭澄清非要求大家包容僭建,亦非要求鄭不用更正,稱只是「希望大家唔好咄咄逼人嘅態度啫」。
熱血公民鄭松泰則批評「林鄭口中的包容,實際上係包庇」,指當年處理前政務司長唐英年僭建問題時,「林鄭話唔係補錢可以搞掂,妳(林鄭)今日叫香港巿民包容佢(鄭)?妳係咪應該要求現任律政司長引咎辭職?」林鄭也只重申無任何包庇,又指當年處理僭建問題時與現任發展局長黃偉綸一樣一視同仁。
專業議政莫乃光質疑鄭若驊丈夫潘樂陶與鄭的公職或有嚴重利益衝突,因其公司每年接獲的政府工程數以億元公帑計算,問林鄭會否求潘不再接受政府工程。
林鄭回應稱:「如果因為做咗司局長,就叫佢哋配偶乜都唔好做、喺屋企,得一個人可以,可能就係我老公。」
■記者林俊謙

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載