› 選擇地區
三藩市
紐約
洛杉磯
其他美國地區
香港 台灣 北美
 
2018年01月11日

隔牆有耳:支聯會年宵主打
民主女神杯緣子 - 李八方

支聯會噚日就喺fb預告,今年會用講故事形式介紹民主女神故事。支聯會fb圖片

支聯會艱苦經營咗兩年嘅「六四紀念館」,2016年喺業主立案法團訴訟纏擾下閉館。紀念館雖暫時關閉,但支聯會傳承歷史真相工作並無中斷,除咗積極推動眾籌擴館,今年維園年宵攤位,亦會如去年一樣,佈置成迷你「六四紀念館」。支聯會今年投得維園年宵1號和2號攤位(近港鐵天后站興發街入口),將於2月10日(年廿五)開檔,至2月16日(年初一)清晨結束。

用手機講「民女」故事

支聯會噚日就喺fb預告,今年會用講故事形式介紹民主女神故事,包括八九民運期間,北京天安門廣場豎立嘅民主女神像,由邊個製作、身高幾多,以及點解會面向毛澤東像?巿民只要用Android手機「負片」功能或iPhone反轉顏色功能,再開相機就可以瀏覽迷你「六四紀念館」展覽相片。
支聯會亦製作咗劉曉波遺孀劉霞嘅詩句布袋同水杯,以及不同形態嘅民主女神杯緣子,亦會展銷「六四」記憶棒、燭光集會文件夾、民運歌曲專輯同「六四」書籍和T恤等,政治漫畫家尊子同馬龍亦會為市民畫肖像,替「六四紀念館」籌募擴館經費。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載