蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月29日

跨境巴士中港大戰
鄉音男+城巴職員互hi

66,750

近年頻生事端的城巴往來屯門至深圳灣口岸B3X綫,早前又再發生司機與跨境旅客激烈爭執的事件。有人在facebook發佈一段城巴職員與旅客互相爆粗「問候」的短片,指肇事原因是巴士的行李儲存空間已放滿,職員以安全為由截龍,但兩名未能上車的疑似內地男女隨即喝罵職員是「垃圾」,職員不忿反唇相稽,雙方愈罵愈激動,粗口橫飛。

fb專頁「柏斯敦巴士」發佈一片長約2分鐘短片,見到兩名分別手持多袋物品、有濃烈鄉音的男女在B3X線站頭指罵一名城巴職員。其中身穿西裝的男子頻頻罵職員「你老母垃圾!你老母X呀!」職員不忿有人出言不遜,即反斥「咩垃圾?你老母X!你想點,你X咩人老母!」同行的中年女子卻加把口,手指指稱「你講先㗎!我一定投訴你!」職員即大喝「隨便!」並轉身離開。

不過該對男女未有收口,女子繼續破口大罵「做香港人做懵咗你呀!做廢咗你呀!」職員不忿駁斥「你就廢!咁叻唔好落嚟(香港)添啦!」該女子自稱是香港人,繼續大鬧對方是「垃圾!廢柴!」職員愈說愈激動,喝罵對方「你就廢!你出嚟吖!」西裝男隨即將隨身物品塞給同行女子,然後走到職員面前繼續喝罵,此時有其他職員上前將雙方分開。

「柏斯敦巴士」發文稱,影片是由其他外勤員工替被罵的同事不值,故以手機拍下該對男女的行為。影片一夜間已有逾3.5萬人次觀看過,大批港人留言不值該對男女為,但有人認為該名職員表現太衝動,「其實自己唔好講粗口,引佢上咗車等佢講,拍埋片,可以用《公眾條例》(編按:應為《公安條例》)報警拉X佢,到時睇邊個先係垃圾!」

往來屯門至深圳灣口岸的城巴B3X綫乘客多為攜帶行李的跨境旅客和水貨客,每逢過時過節都會「塞爆」,過去亦曾多次發生巴士公司職員與旅客爭執的事件。今年5月就有一名22歲巴士司機因阻止一名69歲懷疑「打尖」上車的老伯時,被對方動粗揮拳毆打倒地,老伯涉嫌普通襲擊被捕。

【網民咁講】
Jinya Chan Kings:都係個句,講清楚啲廣東話先躝過嚟同我講嘢啦!
Chun-wah Vincent Lam:咁叻,買起城巴囉!
Nelson Wu S M:投乜Q嘢訴啊?坐的士囉
Chong Ping:職員都有問題,梗係報警影響乘客,仲畀佢上車走?依家佢自己蝕章。
Ivan Tam:其實自己唔好講粗口,引佢上咗車等佢講,拍埋片,可以用《公眾條例》(編按:應為《公安條例》)報警拉X佢!到時睇邊個先係垃圾!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載