› 選擇地區
三藩市
紐約
洛杉磯
其他美國地區
香港 台灣 北美
 
2017年12月24日

壓力大 港人不敢冒險礙創科

黎冠峰

【本報訊】特首林鄭月娥在首份施政報告提出向大學增撥研發資源、提供助學金,也力推中小學「科學、科技、工程和數學」(STEM)教育,揚言長遠要「創科」成為一種新發展模式;黎冠峰則認為,政府如想加強科研,除了資源要到位,亦要改變教育制度、產業模式,解決房屋等民生問題,為市民營造可冒險的空間,「對生活有安全感,你先敢試新嘢,否則唯一可以諗嘅就只剩得下一餐飯邊度嚟」。

相關新聞:參與諾獎得主團隊印證重力波港產物理學家:我懶都做到教授

理科生出路少 只加學位無用

對於政府發展科研,黎表示歡迎,惟長遠要改變產業模式,「香港(創科)𠵱家多數都係做服務,例如金融業,冇乜自己產生嘅軟件、硬件」,理科畢業生因此缺乏就業機會,學生見出路少,更不願選讀相關學科或投身科研,形成惡性循環,「所以唔係話你加多啲物理學位就可以解決,多咗人但冇出路,幾年後亦會少番學生」。政府須鼓勵初創企業(startup),長遠才能培育創科人才。
黎冠峰續指,香港生活壓力大,令大部份人不敢冒險,也是窒礙創科發展的癥結,「好似地產,都係綁住人令人唔敢試新嘢,因為大家太驚冇咗份工……因為只有對生活有安全感,人先敢試新嘢,否則你唯一可以諗嘅只剩得下餐飯邊度嚟。
他又促政府鬆綁學制,「好似(升讀)物理系,唔需要淨係睇DSE,以免令到本身物理好、中英普通嘅同學升唔到……變到啲中學唯一教嘅就係點考試」,越專注操練考試,就越難培養創意與科學精神。
■記者葉偉東

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載