› 選擇地區
三藩市
紐約
洛杉磯
其他美國地區
香港 台灣 北美
 
2017年12月19日

八方相當年:
郭永健孖兄弟 靠粒癦分大細 
會考同取28分 - 李八方

呢期政壇有位後起之秀幾受人注目,民主黨、香港眾志及民協等政黨都撐佢喺新東3.11補選披甲,似乎凝聚力非凡,事實上31歲嘅郭永健啱啱亦當選工黨主席,係泛民主流政黨最年輕話事人,協助帶領市民對抗威權。原來佢喺中學時代已經識抗爭,「中四時候quit咗prefect,因為個訓導老師好專制,忍唔到佢成日呼喝啲同學」。
郭永健有個大佢約10分鐘嘅孖生哥哥,人稱「細孖」嘅佢話,連媽媽都話最初分唔清佢哋兩兄弟,「試過餵完阿哥食奶,又再餵佢」,返學都會被認錯,但其後面上多咗粒癦,啲人開始識分大同細。

參加緊泛民新東初選嘅佢自細喺馬鞍山大,「幾乎去勻馬鞍山所有籃球場打波」,呢位新東之友中學讀沙田浸信會呂明才中學,雖然同阿哥唔同校,但會考竟然同分,一樣有28分,明顯係高材生,但細孖話佢讀書算輕鬆,可能平時溫得夠,自爆考試前一晚通常「舂眼瞓」,「溫到10點幾就瞓覺,第二日考試反而精神好夠」。

棄建築讀經濟 了解社會

雖然係理科生,卻熱愛中國歷史,「小六時試過攞家姐中三本中史教科書嚟睇」,《資治通鑑》佢都由頭睇到尾。中學畢業後入咗港大讀建築,卻發現建築原來好重美學,「頭一年都係畫畫同人體素描等,同預期有啲落差,咁啱開始諗緊點樣可以回饋吓社會、砌圖畫則又有乜作用?」讀唔夠一年就轉至經濟及金融系,「讀經濟反而可以更了解社會」,當時副修政治兼有讀哲學,更因此確立咗左翼立場,之後創立「左翼21」,2010年仲同周澄等人組成「大專2012」並參與五區公投。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載