› 選擇地區
三藩市
紐約
洛杉磯
其他美國地區
香港 台灣 北美
 
2017年12月19日

邀建制派赴婚宴「出於禮節」

楊岳橋

【本報訊】《議事規則》修訂通過前一星期,公民黨黨魁楊岳橋「小登科」設酒會宴客,部份網民批評他邀請支持修訂的建制派議員出席,與他們高興合照,質疑楊在議事堂批評「敵人」時有多真心?楊反駁,邀請議員同事出席是基於禮貌,自己言行也代表公民黨,不能小器:「唔通我黑面對住人咩?到你自己結婚嗰一天,你會明白。」
楊指邀請賓客出席婚宴是出於禮節,同時礙於自己身份,有些人一定要請:「有時啲三姑六婆你唔想請,你都要請,我喺呢方面比較傳統,同時我係公民黨黨魁,做嘅嘢會比人算喺公民黨頭上,唔能夠太小器……出席你婚禮嘅人,未必個個都係你自細長大嘅好朋友。」他指「喺第一次世界大戰,1915年嘅聖誕節,德軍與英軍都會停火,雙方士兵踢咗球場波,連兵戎相見都尚可停火,踢場友誼波,可況我哋(立法會)?」
有人堅持議會內外也要敵我分明,楊指反映社會撕裂遺禍至今:「你唔係同我一齊就係我嘅敵人,到今日呢個情況都冇咁易化解,但我不會怪人,不過我覺得做人要有基本禮貌。」
■記者姚國雄

相關新聞:醫學界轟陳沛然投棄權票

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載