› 選擇地區
三藩市
紐約
洛杉磯
其他美國地區
香港 台灣 北美
 
2017年12月19日

王喜劉錫賢︰唔擔心冇糧出

王喜和劉錫賢均表示對新亞視有信心,不擔心被拖糧。

【本報訊】新亞視開台,招兵買馬,有不少前無綫高層和藝人紛紛過檔亞視,最矚目是前無綫總經理陳志雲過檔主持新版《百萬富翁》,還有志雲愛將王喜和向海嵐等。陳志雲台上盡顯風騷,擔任司儀的曾華倩問志雲大師「係咪好free?」陳志雲說:「係呀,我好free呀,乜嘢都講得,你係咪想問我(涉貪)官司呀?不過已經完結咗喇喎!」被問到預留多少獎金?志雲說︰「高層今次唔使攞個篋出嚟喇,6,500萬嘅現金亦都預備好,你哋有本事就嚟攞走100萬啦。」
王喜被問到會否擔心拖糧時表示︰「相信搵我哋嘅人。(酬勞好好?)幾好,係好有誠意嘅,我對整個製作都有信心,主要因素都係大師志雲啦。(同無綫比?)唔好比較,夠使就得。」
亞視熄機,當日留守到最後的劉錫賢,再度回歸,跟朱慧珊、容海恩議員主持節目《今晚見》,內容是香港時事,他說:「唔講政治嘅,主要講社會現象。」劉錫賢當日有份到勞工處向亞視追討薪金,現在會不會擔心出糧問題?他說:「其實約就簽咗,對公司好有信心,對新老闆都有信心,已經見過面。」

相關新聞:鑽石台徽 吳雨︰代表永恒

夏春秋想再做《六合彩》

橫跨麗的到亞視主持《六合彩》多年的夏春秋(冬叔),現身亞視開台,他說:「自己算元老級,麗的年代已經喺度。」冬叔表示正斟洽新工作,若亞視可以播《六合彩》他很有興趣。
■記者張俊銘、黃曉妍

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載