› 選擇地區
三藩市
紐約
洛杉磯
其他美國地區
香港 台灣 北美
 
2017年12月14日

隔牆有耳:林淳軒、林朗彥再見亦是朋友 - 李八方

唔再係黨友嘅林淳軒(左)同林朗彥(右)喺庭外有講有笑。
何柏佳攝

反釋法遊行案噚日再開庭,明明9個被告,竟然得番8人喺庭外拉橫額叫口號,搞乜?原來早排因為違反財務程序、俾香港眾志革走嘅前成員林淳軒,早過晒其他人到,搭咗𨋢上去庭外等。八方聽審嗰陣仲諗,佢會唔會一見同案被告、眾志常委林朗彥,就面左左呢?好彩佢哋有講有笑搭晒膊頭,雖然唔再係黨友,但好明顯再見亦是朋友。
林朗彥之前講咗會承認參與非法集結罪,控方噚日再透露,連林淳軒都諗住認罪,承認煽惑他人在公眾地方擾亂秩序罪。但噚日兩位都未答辯,應該要等下月30號開審先再處理。
林朗彥雖然係帶控罪之身,都不忘為即將打到埋身嘅修改議事規則大戰,呼籲大家出嚟立法會聲援。佢話釋法惡果已經出現,除咗議員俾人DQ,𠵱家又修改議事規則,令大白象工程同23條立法等,政府都可以想過就過,既方便又快捷。佢呼籲如果係支持13+3政治犯嘅,就要將支持化成行動出嚟聲援。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載