› 選擇地區
三藩市
紐約
洛杉磯
其他美國地區
香港 台灣 北美
 
2017年12月11日

隔牆有耳:
義莊+解剖室 體驗死亡之旅 - 李八方

參加者噚日參觀港大解剖實驗室,近距離接觸大體老師。

生與死係人生必經階段,但未必個個有勇氣面對死亡。非牟利團體「心繫心生命教育基金」噚日舉行活動「死旅。圖生」,參觀義莊同解剖室呢啲平日甚少開放但同死亡有關嘅地點,希望參加者反思生命,約200人參加。

近距離接觸大體老師

其中喺1899年遷至摩星嶺墳場一帶嘅東華義莊,用嚟短暫存放客死異鄉嘅海外華工遺體,等親人認領後轉運返鄉下落葉歸根,現時仍有30至40具華工遺體存放喺義莊50至60年,最長歷史嘅遺體更已存放達110年。東華三院助理策劃主任(廟祀服務)梁中杰透露,最近有個移民海外嘅孫女,因為嫲嫲希望死後同曾為華工嘅丈夫合葬,孫女千里迢迢嚟搵存放咗喺義莊已70年嘅爺爺。
活動另一個參觀地點係港大醫學院「大體老師」解剖實驗室。本身係遺體捐贈登記者嘅港大解剖學副教授陳立基話,近10年港人對大體老師嘅接受程度明顯提高,平均每年約70具遺體捐贈,甚至試過有100具,所以近年較專注推動生命教育,認為畀市民近距離接觸死亡,可以反思生命嘅有限,活在當下。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載