› 選擇地區
三藩市
紐約
洛杉磯
其他美國地區
香港 台灣 北美
 
2017年12月11日

隔牆有耳:
護海濱聯盟促還港於民 - 李八方

保護海濱聯盟昨日成立,促請政府在規劃海濱用地時還政於民及增加規劃的透明度。李家皓攝

維港窄係窄咗啲,但去海濱野餐享受陽光,都係唔少人嘅假日好去處。而海濱一直都係官、商、民兵家必爭之地,多個關注海濱發展團體噚日成立「保護海濱聯盟」,發言人羅雅寧話,政府規劃混亂令市民用唔到海濱,而且歷年海濱發展唔透明兼缺乏公眾諮詢,希望集合唔同地區嘅力量,將海濱發展還政於民。
聯盟話海濱被破壞嘅例子都幾多,好似坐擁「天空之鏡」嘅西環碼頭就快被外判變社區園圃;鰂魚涌海邊又想起25層高樓;觀塘原本起茶果嶺海濱公園用地變咗起職訓局校舍,校舍用地就賣畀財團。公民黨郭家麒批評政府短視,一味賣海濱地賺錢,佢話商場全世界都有,但香港只有一個海濱,仲爆林鄭未升官發財前就話要設海濱管理局,做咗特首就唔出聲係自打嘴巴,既然講過「還港於民」就唔該付諸實行。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載