› 選擇地區
三藩市
紐約
洛杉磯
其他美國地區
香港 台灣 北美
 
2017年12月11日

《蘋果》專訪 
蔡志明稱非曹貴子金主: 
佢全家下跪求救 
「今次唔會再心軟」

【謎網風暴】
【本報訊】廉署上周與證監會聯合調查康宏環球(1019),並拘捕該公司4名現任及前高層,但康宏執董、被指是今次調查對象及謎網50主要人物的曹貴子一直未現身。由曹創辦的康健國際(3886)上月已遭證監會停牌,康健副主席、被指與曹關係千絲萬縷的「玩具大王」蔡志明,昨接受《蘋果》專訪,澄清不是曹幕後金主,又指曹曾與家人向他下跪求救,「話蔡大哥你一定要幫吓貴子」,但蔡拒絕,強調「今次唔會再心軟!」
記者:莊建鑫 黎少英

相關新聞:康宏董事會大洗牌

現時擔任康健國際醫療副主席及非執行董事的蔡志明於2005年入股康健,蔡稱認識康健創辦人、行政副主席兼執董曹貴子因一次「睇醫生」,稱讚對方「好聰明,做嘢好叻,同人相處又好」而交上朋友,但股份買賣全交曹打理,自己鮮有過問,「數目咁細,只係我生意萬分之一,點會care」。不過他承認曹貴子過去多次向他借錢,但只是數億等「小數目」,事後連本帶利歸還,但曹現時仍欠他5億元未清還。

女兒曾為事件哭兩次

至於下跪求救一事,蔡表示大約發生於兩個月前,他指「佢(曹貴子)老竇老母同老婆有個禮拜日朝早同埋佢,走嚟我屋企跪我,嚇到我死!話蔡大哥你一定要幫吓貴子呀」,不過蔡志明稱當時拒絕了對方。
至於最後一次見曹貴子則是一個多月前的事,蔡志明稱當日曹到其辦公室借錢,「我話醫生,𠵱家唔係借唔借嘅問題,我話你呃我咁耐,個個都話我係你後台金主,如果我今次再借錢畀你,啲人就會知道我係你後面老細,所以你係自己害自己,我仲會同人講今次一定唔會救你,我救你即係自己害自己!」
蔡志明又指今次不會再心軟,不會借錢給曹,他直言雖然不是大數目,但擔心會再被拉上關係,「我略略同佢諗過,借20幾億應該搞掂晒……但你(曹貴子)呢單嘢幾十隻殼,你害死好多人,淨係一隻康健,加怡(蔡志明女兒)已經喺我面前喊過兩次,你(曹貴子)𠵱家幾十隻,你諗吓幾多人畀佢害咗!」
蔡續稱,事後曹貴子多次發短訊向他道歉,「佢猛道歉,但我唔可以原諒佢!」他補充,女兒加怡雖出任康健主席,但只是掛名,主要負責醫生的人手安排及生意擴充,並無沾手股份買賣。蔡志明透露,證監會介入調查後,他曾向女兒查問了兩次,女兒表明:「老竇!我真係乜都唔知。」

相關新聞:稱康健小股民蝕九成陰功

指公司支票被當生招牌

廉署上周四首度與證監會展開聯合調查行動,以涉嫌貪污拘捕康宏副主席馮雪心、執董陳麗兒及前行政總裁、隆成金融(1225)現任主席麥光耀,翌日康宏主席王利民亦被捕,各人其後獲釋。不過被指是調查對象、亦是謎網50主要人物的康宏執董曹貴子至今下落不明。
問到是否知道曹貴子行蹤,蔡志明稱估計對方身在澳洲處理醫療業務。對於坊間指他與曹貴子關係千絲萬縷,更被指是曹的幕後金主,蔡志明大嘆無辜,他解釋以往曾開支票借錢予曹貴子,懷疑有人以印有其公司名稱的支票作「生招牌」,才令人誤會。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載