› 選擇地區
三藩市
紐約
洛杉磯
其他美國地區
香港 台灣 北美
 
2017年12月05日

要求「9女1男」性交 宅男稱鬼上身
否認傳自拍照︰我邊有咁靚仔

【本報訊】網名「司徒奈奈」的宅男屢次要求「扑嘢」不成,便在網上辱罵女網友,有人看不過眼招打手報復。辯方昨呈交大量性話題截圖,揭發宅男透過短訊及多個fb賬戶,向人傳送陽具照;又在單身群組招募性伴侶,要求「9女1男」多人性交,叫人帶同比堅尼泳衣共浴。宅男否認是發訊者,聲言發訊當刻「嗰個唔喺我嚟,唔知係咪鬼上身」,又自稱EQ低,中學時遭老師建議看精神科,他昨多次鬧情緒,謾罵辯方大狀問題無聊。
記者︰歐陽聯發

相關新聞:斥逾百途人冷血無施援

事主羅浩峰(19歲)第二天接受盤問,不時大聲嘆氣打呵欠,常說「唔記得晒」和「唔知」。羅稱不記得其手機號碼,拒答截圖中的號碼是否屬於他。最終法官林偉權出手,指羅於其中一份口供填寫的聯絡電話,就是截圖號碼,羅不耐煩說:「係囉,你係咁講。」林官質問:「頭先你又話唔記得?」羅即說「我記得返喇」,林官不禁搖頭嘆息。

罵辯方大狀︰你問到我好嬲

辯方的大狀見羅不停把玩證人枱上文件,提醒他要專心,羅突然大聲罵:「你問到我好嬲呀,你唔想我鬧你,你最好……」林官見狀打斷他,提醒他要注意規矩。
辯方呈交從社交平台及網上論壇,合共23頁對話截圖。其中一幅,由羅的手機號碼向女coser傳送陽具近照,問對方「18cm,大唔大」、「想唔想扑嘢,想扑嘅話要着cosplay衫」。羅接過截圖後狀似大驚說:「點解會咁㗎?我冇見過。」辯方問是否其手機被盜用?羅不耐煩說:「唔使講咁多廢話。」他自揭中學時期曾按老師建議,向精神科醫生求診,診斷EQ比常人低。
林官聽罷安撫羅,並非質疑他不正常,只想知是誰發訊息。羅指某天遭網民留言打擊,「一瞓醒就send咗,我冇發出過,唔知係咪鬼上身」。大狀指訊息附有一張自拍照,相中人無戴眼鏡,但與羅甚相似。羅即反駁:「我邊有咁靚仔,我係醜陋㗎嘛。」林官下令羅脫眼鏡,羅照做但低頭兼矇起眼說:「我隻眼邊有佢咁大。」林官用放大鏡細閱相片,向羅說:「我哋話張相係你,你話係咪?」羅仍否認。
大狀又指,羅的fb賬戶曾在「香港單身男女交友區」群組發文「招炮友」,指明要「9女1男」。羅笑謂「呢啲係漫畫情節嚟喎」,稱沒加入群組;其餘性話題內容,則「冇潛意識控制,嗰個唔係我嚟」、「我都係第一次睇,睇完嚇咗我一跳」,否認由他發佈。他又指某些訊息提及「搵人殺你全家」、「小心被人落降頭」,不像他平日評論,結論是fb內部出問題。
被告為邵頌然(18歲)、溫穎賢(29歲)、曾栢豪(24歲)、趙文俊(32歲)及蔡周慧妍(17歲),同被控於2016年2月14日分別於九展、零碳天地及尖沙嘴向事主襲擊、偷竊和非法禁錮。
案件編號:DCCC418/17

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載