› 選擇地區
三藩市
紐約
洛杉磯
其他美國地區
香港 台灣 北美
 
2017年12月01日

八方人物:吸取「父幹」挫折
港男眾籌千萬賣恤衫

今年33歲、小時候居於九龍塘獨立大屋的黃瑋湶(Ambrose),早前成功透過眾籌開展其服裝生意。乍聽以為又一個「成功需父幹」的故事,但Ambrose父親早在他17歲那年便生意失敗而破產,到他21歲父親準備東山再起,又遇上走數客人損失數百萬元。所謂的「父幹」,其實是更寶貴的經歷和挫折,寄語創業者要有堅持。
Ambrose早前在網上籌得超額一倍的1,400萬元開展男裝恤衫生意。他售賣的恤衫結合科技,利用獲專利的布料,打造具備防皺、透氣、防曬、耐用、速乾、具彈性的恤衫,吸引大量支持,尤其在美國和澳洲。這一切的背後都有一段辛酸史。

公餘與女友創業

Ambrose從小就有從商的想法,多少受做外貿生意的父親影響,覺得做生意比打工「冇咁死板、有挑戰性啲」,亦因爸爸從商,小時候家境不錯。然而Ambrose 17歲那年某日回家見到家人收拾東西,始知父親破產。他形容之後的生活從「想有乜就有乜」變成「睇場戲都慳番」,甚至本身為乒乓球校隊隊長的他都要為增加收入而開始教同學打乒乓球。
捱過那幾年,父親東山再起,Ambrose亦幫手,最初幾年尚算順利,但2008年金融海嘯前,有客人走數數百萬元,父親周轉不來,被迫結業,連他也放棄創業的想法,因為「真係驚咗」。他開始打工,在服裝公司負責銷售,消化父親兩次經驗,加上打工多年累積的人脈,再度萌起從商念頭,故成立公司推出名為VACANZA的品牌恤衫。
Ambrose直言父親兩次失敗經歷令他學懂做生意一要堅持、二不能急、三是「唔好咁容易俾人𠱁到」。特別是堅持方面,他分享經驗指,創業路上總會遇上不少潑冷水的人,意見固然要聽,但「人哋唔會好似你咁清楚你想做嗰樣嘢」,其次是對自己的堅持,因一件產品或服務面世前都不會有人知道,「冇人知咪冇人知咯」,仍依然堅持推動。
以今次為產品眾籌為例,他凡事親力親為,雖然得到公司支持、提供恤衫用的布料,但日間仍要繼續上班,只能擠出公餘時間,與從事設計的女友埋首研究不同眾籌平台,女友亦負責網頁設計、品牌形象等。
吸取「父幹」挫折、無懼創業的Ambrose強調,「『成功需父幹』,可能有好多種唔同嘅方法,可能我成功嘅第一步就係因為我爸爸、我屋企嘅挫折同經歷,令到我成熟,而去到呢一步」。
■記者呂浩然

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載