› 選擇地區
三藩市
紐約
洛杉磯
其他美國地區
香港 台灣 北美
 
2017年12月01日

隔牆有耳:小明爆30年前上位靠卿姐
繙譯對方英文文章上呈 獲魯平賞識 - 李八方

唔少主管港澳嘅中央官員都會睇吓香港報紙,了解香港民情,原來上任兩個月嘅港澳辦新揸fit人張曉明,30多年前加入港澳辦嗰陣,都係由睇報紙開始。張曉明日前喺雜誌撰文,大爆當年睇到時任記者、前立法會議員、前民主黨主席劉慧卿所寫嘅英文文章,覺得非常重要,決定繙譯成中文上呈畀中央領導,更加令佢得到港澳辦前主任魯平賞識㖭!

講行政立法關係

上任兩個月嘅小明早前就趁已故前港澳辦主任魯平90歲冥壽,喺《紫荊》雜誌撰文講自己同魯平相處嘅點滴,文章其中一段就提到佢30幾年前成為「港澳新兵」時,每日都花好多時間睇香港報紙同雜誌,有日睇到英文版《遠東經濟評論》一篇文章,講到理解同界定「行政機關對立法機關負責」嘅含義,而文章就係由尚未加入政壇嘅劉慧卿撰寫。
小明當時認為篇文好重要,將文章繙譯成中文後交畀魯平,而魯平更加將文章編印成港澳辦《簡報》上呈中央領導。估唔到因為卿姐一篇文章,令魯平覺得小明睇問題好準確,打電話叫咗小明去辦公室去面談,仲借咗幾本書畀小明㖭。原來小明獲魯平賞識嘅關鍵,竟然係卿姐那些年嘅一篇文章囉。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載