› 選擇地區
三藩市
紐約
洛杉磯
其他美國地區
香港 台灣 北美
 
2017年12月01日

宅男應約開房 不知對方男定女
稱中伏遭cosplay戰士圍毆逼遊街

【本報訊】少年動漫迷遭女網友「請食檸檬」拒絕約會後,在網上大肆羞辱她們。有人疑用「女神計」復仇,約他在去年情人節開房,實際早有埋伏圍毆他,嘲笑他「傻仔」兼逼他拍片向所有女動漫迷道歉。涉參與計劃的4男1女昨受審,動漫迷出庭憶述,事件源於一個陌生人WhatsApp約他:「聽日得唔得閒同我開房?」他爽快答應。主控質疑兩人素未謀面,怎知對方是男是女?動漫迷答「我梗係想係女仔啦」。
記者︰歐陽聯發

相關新聞:為陌生被告作名「白毛」「未來戰士」

事主羅浩峰案發時只有17歲,現年19歲的他昨由家人陪着到庭,羅供稱無業,但即改口「係待業」。羅說話語速快,法官多次提醒他咬字要清晰,「唔好對住張枱講」。羅說到關鍵圍毆案情,不停把玩手上的身份證,又再口齒不清,法官不禁責備他:「你可唔可以專心啲?」
羅稱案發凌晨收到第二個訊息,發訊人頭像是一個女生,他不認識對方,但既然對方想約會,於是應約。他憑相認出孤身一人的女被告「虎牙」,他形容對方身材似小學生,他昨扮女聲模仿對方當時哄他:「我哋行街後去酒店book房」。他跟女方到九展後樓梯,忽然「白毛」、「未來戰士」及「皮褸男」從梯間冒出,他稱不認識他們。他指稱眾人恐嚇要打他,挾持他到九龍灣零碳天地公園。突然羅稱漏說一件「好重要嘅事」,就是「虎牙」在梯間當面嘲笑他:「乜你覺得呢個世界有真嘅愛情咩,我呃你咋儍仔」。靜了半晌,他向法官解釋「即係欺騙我出嚟呀」。法官林偉權叫他不要加個人意見,羅無奈地「嗯」了一聲,林官叫他不要「嗯」,若明白便要說出聲。
他續作供,指到公園後「肥仔」及「玲瓏」加入欺凌。6名被告中,有人掌摑、拳打腳踢、又用一把動漫道具木刀斬他,逼他拍片向全港「女coser」道歉,全程歷時約一小時。眾人意猶未盡,押他返九展遊街示眾,逐層向遇見的每一名女coser道歉,及承認自己曾性騷擾他人。

被口水捽面始獲釋

在押返九展途中,途徑人流較多的天穚,羅見眾被告稍有鬆懈遂拚命逃跑,以為成功逃脫,但「跑咗300米,喘晒氣」,背後有人以「9秒9」速度追及,他欲呼救但「冇氣叫唔到」,最終連身形較胖的「肥仔」也追上,眾被告發洩怒毆他。他因不願捱打沒再逃,欲快快道歉了事,有被告見「任務完成」提議放行,惟他反覆追問「係咪真係走得,阿媽打畀我喇,天黑喇都差唔多」,他指「未來戰士」可能嫌他太煩,大罵「食屎啦你,死儍仔」,在他頭上吐口水並捽勻。最後白毛、虎牙、皮褸男還嫌教訓不夠,帶他到尖沙嘴毆打半小時後終放他走,並警告「唔好俾我喺街度見到你,如果唔係打鑊你。」
案中被告邵頌然(18歲)、溫穎賢(29歲)、曾栢豪(24歲)、趙文俊(32歲)及蔡周慧妍(17歲),同被控襲擊、偷竊、非法禁錮和襲擊事主。負責拍片的陳顯華(18歲)早前已承罪。聆訊今續。
案件編號:DCCC418/17

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載