› 選擇地區
三藩市
紐約
洛杉磯
其他美國地區
香港 台灣 北美
 
2017年12月01日

開心見誠:Facial恐懼症 - 李德誠

「醫生,我上個禮拜竟然可以做番facial,我自己都估唔到。」T覆診時對醫生說。
「之前,焦慮症厲害嘅時候,我咪話過畀你聽,我試過做facial嘅時候恐慌發作,瞓喺張床上面貼咗面膜,已經開始有啲唔舒服,到個女仔(美容師)連我隻眼都貼埋嘅時候,突然間我驚到成個跳咗起嚟,要即刻掹晒啲面膜,衝出房間,搞到好大件事,我自己都唔好意思,自嗰次之後我一路都唔夠膽做facial。」
「上個月我試一試做番facial,不過就唔畀個女仔貼我隻眼,開頭我都有啲驚驚哋,不過做落又無乜問題。上個禮拜再做嘅時候,唔記得同個新嘅女仔講唔好貼眼,佢就貼咗落嚟,我都嚇咗一跳,但我不停同自己講facial箒facial箒,過咗幾秒唔舒服嘅感覺就無咗,之後完成晒成個療程都ok。我𠵱家終於信當日做facial時,驚到跳咗起嚟衝出房,原來同我嘅焦慮驚恐有關!」
T其實患有廣場焦慮症,是焦慮症的一種,發病時候在人多和不容易離開的地方,例如街市、商場、戲院、地鐵和巴士,都可能出現焦慮不安情緒,甚至驚恐發作,除了極度的焦慮,還會有呼吸困難,心跳、頭暈、腸胃不適,需要立即離開現場,之後就會避開曾發作過的場所。
不過,其實除了剛才提到人多或不容易離開的地方,可能會引起驚恐發作之外,也可能會在做facial的時候,出現驚恐發作的情況,患者可能覺得面膜「漿住塊面」不舒服,亦有時覺得面膜會引致呼吸困難,又或者像T一樣,雙眼被貼住的時候,突然出現驚恐的情緒。有經驗的美容師可能會一早察覺到當事人的焦慮,可能會提議不用貼眼,又或留下來陪着當事人,以減輕焦慮不安的情緒 。
不少有facial恐懼的患者,可能不知道這並非簡單的心理作用,而是一個情緒問題,需要正視治理。
T幸好除了在美容院有不適之外,於商場、人多地區例如旺角、地鐵和巴士都有同樣的情況,所以她知道焦慮的問題不可以不理,病情最嚴重的時候,T的生活有很多限制,現在可以回復八、九成正常的生活,T已經很滿意。但對貪靚的T來說,最重要的還是,可以做番facial扮靚靚!
伸延閱讀: http://fb.me/1486drlee
李德誠 精神科專科醫生

想輕輕鬆鬆健康啲,記住留意健康蘋台
http://health.appledaily.com.hk/

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載