› 選擇地區
三藩市
紐約
洛杉磯
其他美國地區
香港 台灣 北美
 
2017年11月30日

拒載司機得30個
的士佬:我哋無錯(係態度唔好)

本港的士服務質素長期為人詬病,Uber等網約平台趁勢而起,消委會建議港府循序漸進開放市場,將網約市場與傳統的士區分,並發牌規管網約平台、車輛及司機,的士業界大表不滿。推動的士發展聯會發言人李超凡昨日在電台節目指,強烈反對有關建議,聲稱會令法律基礎蕩然無存。他指政府制訂政策須全面照顧市民需要及業界歷史問題,但現在政策傾斜於市民利益,忽略了的士行業過百年貢獻。他強調業界人士將青春及金錢投資在此行業,多年來奉公守法,突然間出現非法營運者,政府應嚴厲執法杜絕、保障業界利益才是首要,但現在掉轉頭制定新政策將的士業界摒棄一角。

推動的士發展聯會由的士車主及車行團體組成。李超凡聲言,的士業界加價十分受政府規管,根本加不到人工予司機,業界願意去做網約車,但政府制訂政策時,一定要諮詢的士業界並獲業界同意,「因為我哋既得……唔係話既得利益者」,他指已經投身這行業,當初發牌時,政府給予憧憬,將來運作是這樣,要轉變模式一定要諮詢他們同意,「我哋有落標畀你……我哋一定有個期望喺度架嘛,呢個期望改變時,我唔敢講賠償,一定要有啲安排,令我哋呢個行業舒服先得架」。

李超凡指全港1.8萬部的士、9千個車主,要求著制服、服務態度好,完全可以做到,拒載、濫收車資等行為,不介意政府重罰,「4萬多個司機,可能係來來去去有20、30個係咁嘅人」,他批評政府宗旨「揸不好」,「若揸好宗旨,執法嚴啲,就無白牌車,就無Uber,就唔會有一系列問題產生出來。常規化、合法化,對奉公守法市民不公平,法律基礎蕩然無存」。

李超凡指要有政策保障保護,他們才可安心投資,「我哋(的士業)無犯法喎,我哋無做錯喎,只不過服務態度唔好,我哋態度不好係基於政策唔配合……政府冇執法,拒載,你拉咗佢咪冇囉」。他重申「絕大部分司機奉公守法,好有禮貌……警察都有害群之馬啦」。李超凡指經常要求執法嚴厲些,期望市民想想,「我哋係一群咩嘢人呢?我哋係一群其實畀你哋遺忘咗、服務你哋幾十年嘅老友記,我哋今日有困難原因係士司機唔夠,被非法營運者搶咗去,我哋嘅怨氣都好大」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載