› 選擇地區
三藩市
紐約
洛杉磯
其他美國地區
香港 台灣 北美
 
2017年11月30日

【Chill人生活】
米芝蓮唔識貨?10年來無茶餐廳上過榜

米芝蓮港澳指南推出至今十年,翻查資料,廣東粉麵、點心、燒味、街頭小吃、車仔麵、甚至譚仔米線也曾上榜,唯獨港人至愛的茶餐廳,似未曾出現。專欄作家李純恩認為,茶餐廳未曾上榜並不重要,「每個香港人心目中,都有一間茶餐廳米芝蓮」,當中包含個人回憶、無所不談的伙記、獨家奶茶茶底等。有茶記老闆直言,上榜與否並不重要,首要是能留住街坊客,才能長做長有。

李純恩心目中的米芝蓮茶餐廳,是蘭芳園的奶茶。而飲食博客「猛烈南瓜在飯桌」Patrick則推介太子的金華冰室,「畢竟喺香港食菠蘿油,仲可以幾時都撞到出爐時間幾難得,佢哋個墨西哥包都做得幾好」。惟Patrick亦質疑,米芝蓮已設有街頭小吃推介,但茶餐廳及街市熟食檔仍未有入選,「街坊會去個啲,評審可能睇唔上眼」。

茶餐廳老闆馮先生則稱,「我哋最緊要速度快,熱辣辣比人食」,對於茶記能否出現在米芝蓮,坦言並不看重,「你啲嘢唔好食,就算登咗上去都冇用啦,短暫嘅光輝咋嘛,最緊要長期嘅街坊支持你先有用架嘛」。他所經營的祥勝茶餐廳,在大坑立足廿多年,見證曾是食街的大坑,現時光芒逐漸暗淡,大嘆多年來是靠街坊及附近學生支持,才至今未倒。

該區區議員楊雪盈表示,2015年大坑才首次有食肆上榜米芝蓮,至今只有3間食肆曾入選,其中兩間經已結業,反映米芝蓮對食肆能否長久經營並無關連,區內一眾食肆及商店正計劃透過舉辦活動、墟市及製作社區報等,靠自己來重振大坑食街。

記者 伍雅謙

相關新聞:【Chill人生活】米芝蓮係咪死亡之吻?名廚怕咗小店當寶

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載