› 選擇地區
三藩市
紐約
洛杉磯
其他美國地區
香港 台灣 北美
 
2017年11月25日

黃浩銘難忘父親囚車外呼喚

【本報訊】「當日我喺囚車上,聽到爸爸在囚車外大叫我個名,嗰刻好大感觸,喊咗出嚟,感覺對佢唔住。」在東北案中獲准保釋的社民連副主席黃浩銘,在法院門外與父親溫馨相擁,這個擁抱,他等了3個月。獄中的日子,腦海裏時常響起父親的呼喊,他昨天向《蘋果》說,至今最深刻的一幕就是判監當日的情景。
昨日在法院外,父母帶來了鮮花,未婚妻亦守在身邊,一家團聚的場面笑中有淚。晚上一家人打邊爐,長毛和其他社民連黨友亦有出席。黃父向記者說,他和兒子亦曾經歷過水火不容的日子,「當年喺電視新聞見到個仔衝擊特首曾蔭權,覺得好嬲,即刻打長途電話畀正在日本旅遊嘅太太,話佢教子無方」。當晚兒子返家,父子二人更動口動手,「後來佢慢慢同我解釋,我又上網睇,發覺銘仔又唔係真錯,佢所作所為真係為社會」。
知子莫若母,黃母說:「銘仔做乜都會同我講,佢認為啱嘅我都會支持。」昨日黃浩銘離開法院時,第一時間衝向母親,母親甜在心頭:「佢衝過來,第一個攬住嘅係我,真係估唔到!」她說,曾希望兒子學業有成,加入政府做政務官,現在卻踏上反政府的社運之路,但仍然對兒子絕對信任:「銘仔喺窮人家中長大,深明窮人嘅苦處,所以加入社運,為基層求福利。」

相關新聞:古洞村民到場迎接周豁然

黃母恨飲新抱茶

對於兒子可能面臨再度入獄,黃母稱既來之則安之:「條路佢自己揀,佢會自己承擔,作為父母,只要係啱嘅都會無限量支持。」但作為父母最大的心願,莫過於兒子明年的婚禮順利完成,「盡快飲到杯新抱茶,希望所有官司早日完結!」
黃浩銘稱獄中生涯不算難過,每天來回工場、監倉,又被派到製衣工場檢查囚衣、醫生袍等,空餘時間做運動,「主要係跑步,剛入去只能跑3、4公里,𠵱家可跑7、8公里;掌上壓也由原來每天30下增加至300下」。獄中3個月,他笑言最掛念未婚妻,「佢一直以來好幫我,每周日都來探監,仲送物資;更加掛住父母!」
■記者林熊

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載