› 選擇地區
三藩市
紐約
洛杉磯
其他美國地區
香港 台灣 北美
 
2017年11月10日

林鄭高薪聘青年 葉劉轟無用
斥令民間智庫受壓「AO點會聽你點」

【本報訊】特首林鄭月娥以高薪聘請年輕人任政策及項目統籌主任以及高級政策及項目統籌主任,不過匯賢智庫主席兼新民黨立法會議員葉劉淑儀狠批林鄭以高薪請人,令民間智庫面對極大壓力。葉劉又質疑有關做法旨在統戰民主派,政務官不會聽令於這班主任,預言這份工不會為政府帶來甚麼成效,入職者也不會做出甚麼成績。
記者:姚國雄

相關新聞:林鄭撐改議事規則

林鄭以月薪3萬至9.5萬元,聘請政策及項目統籌主任以及高級政策及項目統籌主任30人,政務司司長張建宗昨在致謝議案答辯時指,截至前晚,政府共收到684人申請了上述兩個職位。
不過本身是行政會議成員的葉劉淑儀接受本報訪問時指,林鄭以高薪請人,令民間智庫感到很大壓力,有匯賢智庫員工曾向她「呻」,指父母着他們跳槽政府:「我哋點樣出到咁高人工箒?民間智庫冇政府咁大嘅資源,冇可能出到咁高人工。一個大學生,我哋出到(月薪)萬4萬5蚊已經係唔錯,好過好多傳媒、記者。」又稱即使大公司也難與政府匹敵:「國際大firm(公司)先至(月薪)7萬8萬,機管局、貿發局、太古、渣甸management trainee (管理實習生)都只係2萬幾。」
葉劉淑儀舉例指,最近她的智庫流失了一位做了11年的愛將,離職時月薪4萬多,較入職時「翻了3倍」,但月薪仍低於林鄭打算聘請的高級主任。

質疑旨在統戰泛民

葉劉直言林鄭高薪招聘,旨在統戰泛民中人:「或者佢想爭取泛民一啲議助、智庫嘅人,建制入(去做)就無意思,否則會畀人話林太明益建制。」但她相信相關人士入職後會感到困難,又認為這些職位「做唔到嘢」:「呢啲工未必做得出成績,你呢啲政策創新與統籌辦,如果你缺乏經驗,唔熟政府嘅運作,喺政府內部冇江湖地位,你點樣統籌?」
此外 ,葉劉淑儀指出任這些職位的人,恐怕難與政務官磨合:「佢哋同公務員好難融合,AO(政務官)咁難考入去,一萬個(人)先考到入去嗰啲AO、尖子,唔會睬佢,點會睬佢?資深公務員,尖子點會聽你(統籌主任)點?」就算他們由特首林鄭月娥親自招聘,不代表有「尚方寶劍」,可以有助解決部門統籌,「冇可能樣樣問題都係咁樣解決,打住特首嘅牌子嚟逼人做嘢,唔可以咁樣。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載