› 選擇地區
三藩市
紐約
洛杉磯
其他美國地區
香港 台灣 北美
 
2017年10月27日

西環集中營:建制憂遭栗戰書整頓 - 季陶

栗戰書

北京前日公佈中共中央政治局常委名單,總書記習近平「大內總管」栗戰書將接管港澳事務。有民主派指在習「全面管治」下,誰管港澳事務民主派也要打硬仗,但對建制派而言,栗主管港澳事務就令一些人忐忑不安。除因建制中人與栗無交往外,亦關注新人事新作風下,他會否有更嚴格要求,甚至大刀闊斧整頓建制。

能力不足或被踢走

該民主派中人稱,早前與建制中人談論誰掌港澳事務,建制中人直言他們不認識栗,反而與另一盛傳人選汪洋有交往,「對建制派嚟講,梗係汪洋睇港澳事務好過栗戰書」。而且內地盛傳栗處事嚴格,政治過關外亦要看能力,「香港幾多人大、政協得把口愛國、幾多富二代靠拉攏西環上位?如果栗戰書管港澳事務,佢哋擔心會唔會被踢走」。
另一政界人士說,過去管港澳事務官員被視為與前總書記江澤民有淵源,「好多愛國人士同佢哋早有關係,有乜要求易傾啲」。但現港澳系統中,除港澳辦主任張曉明外,栗戰書、中聯辦主任王志民均是新人,「嚟緊兩會換屆,會唔會換走佢哋認為冇能力嘅人?」特別是盛傳習訪港時,栗因前特首梁振英提早入習機艙而大發雷霆,「一班好似梁振英咁嘅梁粉,會唔會被踢走,連人大、政協都冇得做?好多人等緊睇栗戰書新官上任,會唔會大刀闊斧整頓建制陣營」。

周一、三、五刊出
季陶

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載