› 選擇地區
三藩市
紐約
洛杉磯
其他美國地區
香港 台灣 北美
 
2017年10月20日

八方人物:反圍標戰將 見證港豬唔再豬

近年的反圍標運動,令小業主覺醒,把建制派友好把持的法團逐個擊破,令建制派政黨不能如以往大模廝樣作洗樓式選舉宣傳,協助小業主的民主派終突破重門深鎖,其中荃景圍一帶,多個屋苑的建制派法團兵敗如山倒,反圍標大聯盟發言人、工黨趙恩來指此山頭由以往近乎一片紅,如今一半已光復,有利泛民日後區選部署,這位反圍標戰將亦有意再戰荃灣。

稱光復荃景圍三選區

論荃灣的政治版圖,在荃灣成長的趙恩來說這區一直是建制派天下:「好似𠵱家喺荃威花園咁,如果我哋3、5年前入屋苑,一班保安已經圍住我哋……電梯大堂都有貼到牆紙咁嘅建制派區議員或者社區幹事嘅宣傳海報,大時大節,中秋過年,大家又會見到建制派立法會議員走嚟搞盆菜宴、中秋晚會、派月餅、派糭等,今時今日,呢樣嘢大家唔會再見到。」
由建制派把持的大廈法團逐個敗走,是小業主抬頭的故事。像荃威花園3年前一場大維修,天價維修費令小業主覺醒,合力推翻工程,「之後順勢仲推翻埋一個個建制派法團」。勝仗消息傳千里,荃灣區內,千里台、朗逸峰、麗城花園三期、荃灣中心一期,故事大同小異,小業主眼見荷包將被掏空,起義說不。
在多場反圍標戰役均有其身影趙恩來指,不少站出來的業主,以往不問世事,「佢哋喺反圍標抗爭走咗出來,發現個世界真係咁唔公道,嘗試參與社區事務,慢慢協助民主派義工工作,由以往一隻港豬,變成唔再係豬」。
他認為近兩年區內屋苑成功反圍標,令不少法團的話事人改頭換面,變成民主派的友好,料有利日後民主派選舉:「以前舊法團唔畀你(民主派)參與法團會議,今時今日大家都可以進入列席會議,或者都會(與法團)多搞咗交流會。」
還有兩年便是區議會選舉,民主派已開始協調,上屆在愉景選區敗於田北辰的趙恩來坦言積極考慮擇區再戰,但落腳哪一區尚未有定案,指光復的荃景圍至少涉三選區,冀民主派在此優勢下派人出戰。
■記者姚國雄

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載