› 選擇地區
三藩市
紐約
洛杉磯
其他美國地區
香港 台灣 北美
 
2017年10月20日

隔牆有耳:大灣區有肉食 外資吼實 - 李八方

特首林鄭月娥一上任即刻同內地相關部門簽署《深化粵港澳合作 推進大灣區建設框架協議》。資料圖片

隨住狼去娥上,有冇發現政府對「帶路」嘅關注度不及前朝?娥班子反而積極推動大灣區,更設辦公室推動,可見係呢屆政府重中之重。而呢個方向都同本港財團外資睇法一致,因為相對「帶路」,大灣區似乎更有肉食,自然捨遠取近。有政界中人話一帶一路肯定俾內地企業擸晒,就算做融資,香港實際利益都唔算大,但大灣區呢個project就好貼身,除港、澳外集合9個內地城市,正好係大珠三角地區主要嘅機場同港口群,加上中央催谷,單做交通物流已經好和味,加上金融科技等係香港強項,難怪要及早霸定靚位。據聞陸續有外資開新位,請專人研究大灣區有乜發達位;有政界中人都話呢排頻頻向大企業講解大灣區進展,「大灣區」呢3粒字越嚟越值錢!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載