› 選擇地區
三藩市
紐約
洛杉磯
其他美國地區
香港 台灣 北美
 
2017年10月18日

隔牆有耳:假如風有天意
天文台長:星期幾掛8號 難如人意 - 李八方

連同最近卡努來襲,香港今年已經掛咗5次8號波,但其中3次係喺星期日發出,唔少打工仔都好失望,皆因冇咗3日打風假,抱怨天文台唔識do,似乎天文台台長岑智明都感覺到呢股埋怨旋風來勢洶洶,特別喺網誌撰文話颱風幾時襲港「無得揀」,天文台只可用科技試圖「參透天意」,但強調天意雖未能盡如人意,但逆境自強同樣可人定勝天!

以自身眼疾證人定勝天

岑台長喺網誌話,星期幾掛8號波呢樣嘢係「無得揀」,因為天文台都係按一套科學分析同計算發出訊號,並唔能夠隨意選擇,只希望能夠做到當時最好嘅判斷:「這是『無得揀』之餘的『有得揀』,用科技去試圖參透天意。」
但佢同時強調天意冇得揀啫,興趣同事業卻有得揀,憶述細個八成時間用嚟讀書同背書,爸爸希望佢做醫生、律師、會計師,但佢最愛卻係物理,即使人哋話物理「唔夠叻」,佢都堅持追夢,結果大家都見到,最終登上台長之位。
佢仲自爆中三大考時右眼忽然出血,原來視網膜穿咗小洞要做手術,雖然手術成功,但雙眼情況不穩,左右眼中間位置會間中出血,每次隻眼出血,佢都會由睇到影像中間帶紅點直至慢慢變暗、變黑,冇辦法下惟有聽收音機減壓,但佢自信,人生路唔只得一條,冇得揀嘅眼疾令佢唔可以踢足球,咪改為行山囉;眼疾後遺症無法消除,冇得揀下咪同佢共存,用自身引證人定勝天。台長25日會有講座,想詳細聽佢如何逆境自強,可參考 http://www.scienceexhibition.hk/talks_tc.php 。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載