› 選擇地區
三藩市
紐約
洛杉磯
其他美國地區
香港 台灣 北美
 
2017年10月15日

晉海223伙半日沽清
首置盤無期 中產死心 慳家男儲200萬上車

【本報訊】夾心階層翹首以待的首置上車盤,雷聲大最終卻連雨點小都稱不上,促使大批中產對政府死心,決志硬啃貴價私樓早日置業。日出康城晉海昨發售223伙,惹來大批準買家排隊,未到黃昏就沽清,有80後暖男死慳死抵為買樓結婚、租樓20年市民超出首置資格而焗買私樓,連立法會前議員李華明都變身慈父幫囡囡付部份首期助置業。

記者:陳東陽

相關新聞:慳家仔9年儲200萬首期買晉海「要與拍拖11年女友結婚」

新地與港鐵合作的將軍澳日出康城晉海至昨進行第5次公開發售,推出223伙,成為林鄭公佈首份施政報告後的樓市探熱針。發展商昨早9時半開始進行登記程序,現場所見,準買家依舊逼滿尖沙嘴環球貿易廣場,長達一個小時的登記時段人龍從未間斷,高峯期估計有約400人排隊等候。至昨午約3時許,市傳223伙全獲認購,惟一切以成交紀錄冊作準。
代理指,昨早到場的準買家大部份都符合首置上車盤資格,不過計劃單位少且要等幾年才有樓賣,但其間樓價可能上漲得更快,促使夾心階層情願入市買私樓,「政府個態度喺幫啲買唔起樓嘅人上車,但畀得起嘅人都要捱貴樓」。
置業人潮中的80後梁先生,與女朋友愛情長跑11年,「感覺上好似咁耐以嚟都冇自己地方可以結婚」,所以數年前已經開始看遍港九新界樓盤,其間多次抽不同新盤但都敗走,至昨日方得償所願,購入晉海1伙兩房戶,樓價約700萬元。首置上車盤遙遙無期,「呢個唔等喇,既然𠵱家有能力處理到就盡快買樓。因為年紀唔細,想有自己地方建立家庭,都有啲負擔」。
他暫時打算承造五成按揭,而首期中有200多萬元靠死慳死抵,「我21歲出嚟做嘢就一直儲錢,同女朋友都係兩年去一次旅行囉,平時就真喺好慳。人哋食50蚊一個餐,我哋就食20蚊。長年累月咁積返嚟」。雖然餘下約100萬首期靠家人協助,但梁先生強調「當問爸爸媽媽借住先,等自己有能力嗰時慢慢還畀佢哋,好過畀銀行賺息」。

李華明資助女兒入市

同樣購入晉海兩房戶的沈先生,20年來一直在將軍澳租樓,計掂數後決定入市。沈先生形容首置上車盤「冇得輸」,如果合資格都會等待,可惜自己超出薪金限制。
立法會前議員李華明女兒昨亦購入晉海三房戶,樓價約1,000萬元,李華明指難以避免資助部份首期,「一定會幫最親嘅人,佢冇公屋同居屋資格,又冇首期」。
另外,藝人樊亦敏以約800萬元購入晉海1伙兩房戶,她對本報表示計劃自用。

相關新聞:發展商趁勢急推納米盤吸客

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載