› 選擇地區
三藩市
紐約
洛杉磯
其他美國地區
香港 台灣 北美
 
2017年10月13日

隔牆有耳:Steve Jobs個friend自認唔夠班 - 李八方

楊偉雄噚日被記者多次追問是否被架空時,自認唔夠班。朱永倫攝

娥特前日發表任內首份施政報告,表明會親自領導一個高層次、跨部門嘅創新及科技督導委員會,呢個督導委員會就會檢討過時法例同政策,為新興經濟活動同創科發展拆牆鬆綁,不過外界就覺得娥特係想架空創科局長楊偉雄、呢位梁朝重臣噃。
楊偉雄噚日出席施政報告簡報會時,佢多次澄清創科唔係一個部門或政策局工作,要跨部門、高層次、高效率工作。佢又提到香港同廣東省喺大灣區河套合作發展創科時,需與廣東省省長對口,由林鄭主持係好合適,仲話「我係唔夠班㗎」,之後話新加坡總理都有親自統籌類似嘅委員會,否認被架空。
另有記者問楊貴為創科局局長,點解記者會上仍用紙筆記錄,而唔用iPad?佢話因場地燈光難睇iPad,又話打字好似唔係咁尊重記者,私底下佢好鍾意用iPad!見過Steve Jobs,梗係要捧場。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載