› 選擇地區
三藩市
紐約
洛杉磯
其他美國地區
香港 台灣 北美
 
2017年10月09日

港將撐場 歐鎧淳眼濕濕

曹星如負傷堅持打比賽,歐鎧淳指自己不禁為他流淚。徐嘉華攝

【本報訊】近年不少運動員成廣告商寵兒,可是吸金之餘,也惹來網民批評,甚至指會影響成績。昨晚曹星如的「王者對決3」,就吸引本港一班精英運動員到場,包括歐鎧淳、楊文蔚、短跑的吳家鋒、徐志豪、鄧奕峻等港隊代表。他們都被Rex奮戰不屈的精神感動,歐鎧淳更表示觀賽睇到眼濕濕,指香港運動員在場內場外都充滿壓力,感同身受。

相關新聞:專家拆解Rex七回合比賽

楊文蔚:會再撐Rex

歐鎧淳說:「我覺得星如嘅表現都係一貫令人驕傲同讚嘆,因為每一場都唔知會發生乜嘢事。我喺現場見住佢額頭腫到眼都睜唔開,但一路頂住,作為觀眾我心仲痛。其實大家去支持星如,無論佢贏定輸,大家好想喺佢身上睇到,佢堅持有幾痛有幾辛苦,然後出盡全力去做好一件事嘅態度,我覺得呢一點已經足夠。」歐其實今年3月也有到場撐Rex,但由於翌日有游泳賽,而Rex那次比賽延至凌晨才開始,她不得不提早離場,所以昨日是她真真正正第一次在現場看Rex比賽。
至於楊文蔚也與男友到場,見到Rex哭着向觀眾說話時,楊也大拍手掌,表示沒被拳拳到肉嚇怕,但感覺還是很緊張。她表示以後都會到場支持:「星如一直都冇投降或者放棄過,終止賽事係醫生嘅決定。星如失落嘅表情係因為佢唔想停。呢一場賽事令我好深刻,我諗我之後都會一直去睇曹星如比賽。」
■記者徐嘉華

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載