蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年09月25日

家屬路祭悲慟 促城巴道歉

70,624

【本報訊】「返嚟啦!」「點解會咁㗎?你死得好慘呀!」在城巴鏟上行人路奪命車禍現場,3名死者的家屬昨午在道士帶領下,先後在現場拜祭及哭喚亡靈,部份家屬情緒激動,高聲痛哭。在車禍中夫死妻傷的死者王友聲的母親向着祭壇哭嚷道「聲仔,返嚟阿媽度啦,阿媽唔驚㗎」,場面哀傷。有死者家屬就車長工時與編更問題狠批城巴及運輸署,期望當局盡快查清真相,給死傷者及家屬一個交代。

相關新聞:有車長一個月OT達156小時

質疑編更制「做到盡」

路祭由城巴安排於昨日下午2時許在多名道士引領下進行,警方封鎖一段慢線路面讓死者家屬拜祭。祭壇放有3名死者王友聲(49歲)、李健華(72歲)以及謝鳳英(60歲)的牌位和香燭祭品。首先進行招魂儀式的是李健華,5名家屬掛上死者生前的一件衣服,然後放上祭品及上香。
半小時後,王友聲的家人拜祭時放聲嚎哭,王的母親向着祭壇哭嚷道「聲仔,你最鍾意食嘢㗎嘞,呢度有好多你鍾意嘅嘢食,返嚟食啦」,又呼喚愛兒「你返嚟啦,返嚟屋企又好,返嚟阿媽屋企又好……你都係返嚟阿媽度啦,我唔驚㗎」。
其後謝鳳英的家屬上前拜祭,有家屬叫喊:「點解會咁㗎?你死得好慘呀!」謝的外甥質疑城巴的編更制有問題,運輸署容許巴士公司要車長長時間工作亦不適當,「公道自在人心,係咪真係冇問題呢?會唔會疲勞呢?分心還是精神唔好,要還死者、傷者、家屬一個交代」。他又指城巴有代表聯絡過家屬,表示會有慰問金,但未有說明詳情。
他批評城巴是始作俑者:「城巴梗係要道歉啦,唔係話政府規定係咁,你就要做到盡;唔係話司機想踩多兩個鐘,你就畀佢踩。合唔合理吖?」
■記者張培生

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載