› 選擇地區
三藩市
紐約
洛杉磯
其他美國地區
香港 台灣 北美
 
2017年09月17日

候選人冷靜期照出席活動唱歌

候選人秦昶昨日出席街總的慶中秋活動,上台唱歌自拍。

【本報訊】澳門選舉昨進入冷靜期,候選人不得再進行宣傳,但有候選人繼續透過福利活動爭取曝光。雖然今屆選舉氣氛較泠淡,但仍有不少市民表明會投票,有受訪者認為上月風災影響了投票意向,又相信今屆投票率會比上屆高。
踏入冷靜期,記者昨在市內巡視,發現各候選人已按照法例要求拆走宣傳海報,包括陳明金超市亦再無宣傳品,街道也沒有義工派傳單。不過,「群力」何潤生名單的第6候選人秦昶繼續曝光,出席街總的慶中秋活動上台唱歌,又與街坊談天。
選管會主席唐曉峰昨指,發現3個候選組別違規宣傳。其中一組候選人涉於酒樓非法擺放宣傳單張,亦有宣傳單張連同餐牌遞給顧客。另外兩組候選人則未依照規定刪除社交網站上的宣傳訊息,3宗個案已交由警方處理。唐強調,冷靜期內候選人或選民都不能再進行競選宣傳,包括網上發帖。
今屆有逾30萬名選民可以投票,於新葡京任職文員的黃小姐透露,每屆選舉公司均會準備巴士載職員往投票站,亦有舉辦攤位活動。她指今屆市面上競選氣氛較差,連宣傳車都減少,「往年(上屆)多宣傳車,好嘈,今年我見得一、兩部,冇乜宣傳」。她又認為風災絕對影響選情,「政府絕對係無能啦,完全係唔掂囉」,希望議員能為澳門人着想。

相關新聞:澳門人政治冷感 街站罕見

市民:風災只能改變年輕人

地產中介林先生認為,雖然風災揭示政府管理不當,但難以左右選舉大局,「風災之後政府做得好失敗,係澳門人公認,只不過澳門好多市民為咗當前利益,又或者我一向都係某某社團嘅人,佢可能都會投番佢哋」。林相信風災唯一能改變的是年輕人投票意願,「相信(年輕人)會選一啲新人,絕對係一件好事,但問題係有幾多人咁諗」。
《蘋果》記者

【澳門人心聲】

居民霍先生:「風災或多或少促使選民投票,多咗人會關心呢個社會嘅問題,所以我諗應該今屆立法會投票嘅人會比以往嘅人數多啲。」

相關新聞:《蘋果》12記者被拒入境

首投族廖小姐:「想自己揀入去嘅人可以為澳門做嘢,好似呢次風災咁,排洪要做好先,唔好落場雨就水浸得好嚴重,唔好話淨係派錢,可能多啲嘅民生措施。」

教師黎先生:「我心儀民主派,雖然民主派議席唔過一半,但起碼第一步都保住佢哋啦,希望佢哋可以就房屋問題出聲,呢個係最重要嘅問題。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載