› 選擇地區
三藩市
紐約
洛杉磯
其他美國地區
香港 台灣 北美
 
2017年08月29日

梁游無意出戰立會補選
回看DQ風暴 承認錯判形勢

【DQ梁游】
【本報訊】被取消立法會議員資格的青年新政游蕙禎及梁頌恆終極上訴失敗後,昨於電台節目明確稱無意參加立法會補選。憶及宣誓風波,游蕙禎指自己錯在太信政府仍然尊重立法機關的獨立性及市民選出的代議士,梁頌恆直認錯判形勢,錯誤在於「過份高估司法制度能給予香港的保護」。
記者:林俊謙

相關新聞:兩人有工開 游稱生活較困難

游蕙禎及梁頌恆昨早接受商台訪問,回應未來會否出戰立法會補選時,游表明不會參加,因補選是基於她與梁被人取消資格情況下出現,「如果我𠵱家再入返去,即係我同大家講,今次其實政府都取消資格得我啱,對我來講,邏輯上唔太講得通,所以基本上都唔會自己出㗎嘞」。至於青政會否派員參選,梁稱目前看不到選舉的意義,但若有青政成員希望參選,屆時再決定。
被問到若知道會被取消議員資格,是否仍會用早前方式宣誓時,游反駁:「冇得咁樣睇返之前嘅事」,「你會唔會諗過審緊時(人大)會突然釋法,改晒成條條例?佢(人大)話就話係釋法,但實際係改本地法律,呢個先至係最核心問題」,慨嘆:「我哋太過相信政府仍然尊重立法機關嘅獨立性或者被選出來嘅民選代議士,但後來我哋發現,原來政府根本一啲都唔尊重。」
游又指,最近在陳情書提及的「以往之非」,並不包括宣誓過程,指宣誓問題事先曾與議助討論,她亦思考良久才作出,不會因現時被取消議員資格,就覺當時做法有問題:「如果宣誓及聲明條例咁狹隘咁去詮釋乜叫真誠、又或者點樣拒絕或忽略(誓詞)嘅話,本身呢條條文係咪保障到咁多代表不同政治光譜嘅代議士進入議會呢?呢個係我到今日都覺得有問題嘅地方。」

對法官接受釋法感震驚

梁頌恆則指自己錯判形勢,過份高估司法制度給予香港的保護,「如果真係畀我知道後來嘅事,我直情連簽名參選都唔會」。梁認為,選舉是人民授權的過程,議席是人民授權的結果,批評指:「呢一系列嘅取消議員案件,係一部冇人民授權嘅憲法同政府,去嘗試取消一啲人民授權嘅議席。」
對於終極上訴失敗,梁坦言感失望,指終院3位法官審訊時與律師的對話「都幾嚇親我」,「例如釋法嘅追溯力問題上,法官係迴避,基本上佢唔願意正面回應,其實即間接承認咗有釋法追溯力」,梁又指法官評論釋法時,「佢哋話(釋法)不受限制,(香港法官)會全盤接受釋法,連如何去演繹個釋法,我都幾肯定係終審法院嘅權,佢都唔嘗試去運用就照單全收,佢咁直接咁講,幾令我震驚」。

相關新聞:泛民制訂Plan B 防確認書落閘

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載