› 選擇地區
三藩市
紐約
洛杉磯
其他美國地區
香港 台灣 北美
 
2017年08月22日

八方人物:
90後搞砌App平台 員工任放年假

兩名90後,曾經被「睇死」,「Google都做唔到,就憑你兩條𡃁仔?」結果成功推出全民免費砌App平台,23歲創業,建立一套管理文化,4天工作制,年假任放,更一反傳統不准員工稱呼二人做老細,他們的管理純粹建基於自律與信任,創業3年,工作從沒脫軌。

「唔好嗌我哋做老細」

「可唔可以唔好喺佢哋(同事)面前嗌我哋做老細?」方嘉毅(Lucas)和梁子謙(Sean)是初創企業Abtitu創辦人,公司文化第一條,不准叫老細。Lucas解釋:「如果有老細,我講一件事,(同事)唔多唔少有個潛意識,老細話點就點,就唔係改善件產品,只係滿足老細意欲。」
Abtitu主要提供免費砌App平台,Lucas說平台的設計及功能,意見來自用家,而非老細話事。技術總監鄭植元認同這種非傳統架構,「如果嗌老細,會有階級感覺,即係你講乜我就要一定要做,變相唔可以表達自己嘅聲音,就算表達咗,都未必受到重視」。
Lucas說平台研發之際,曾向一間軟件公司請教意見,被對方看輕,「人哋Google都做唔到,就憑你兩條𡃁仔?」一番話激起二人決心。這兩名男孩今年26歲,是大專同學,3年前成立公司,踏上創業路。由高級文憑升讀理工大學電子計算學系2年級,Lucas為了創業,毅然輟學,「如果我放棄學業,可以得到更多經驗、更多知識,點解仲要局限於讀書?」原於香港大學念書的Sean,也在畢業一年前申請休學,跟Lucas全職創業。
創業之初困難超多,Sean說研發需資金,又要做市場測試,一直在燒錢,且沒人脈網絡,最山窮水盡時,積蓄耗盡,屋租也沒錢付,兩個男孩試過在茶餐廳哭了出來,「周圍啲人都望住我哋」,哭過後又繼續拼搏,至去年底終獲注資七位數金額。現時Abtitu除推動免費砌App平台,也為企業提供商業方案,預計今年度營業額突破100萬,達收支平衡。
Abtitu團隊現有12人,平均26歲,最年長只32歲,全部經內部介紹。辦公室現設於荔枝角工廈,兩年前參與培育計劃時,曾進駐數碼港,因地點偏遠,當時落實第二條公司文化,每周一天「Home office」,變相每周工作四天,且年假任放,Lucas直言同事可自行分配時間,「我畀10個工作你做,你星期一做晒又得,分開做又得,唔會限住你要喺度(辦公室)幾耐」,但必須在死線前完成工作,也要有質素,「我哋相信每個人都有自律性,亦都係信任」。
■記者王家文

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載