蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年07月29日

何俊仁:六分一肺部被切除

9,755

【本報訊】患上初期肺癌的支聯會主席何俊仁昨早首度就病情開腔,在家中接受《蘋果》電話訪問。何俊仁證實患上肺癌,指發現肺部腫瘤時,腫瘤約有1.6厘米大,位置在左肺上部,接受手術將約六分一以上的肺部組織割走,並交去化驗,以確定未有遺留任何癌細胞在肺部。何俊仁形容手術順利,手術後主要食止痛藥和化痰藥,用作紓緩病情,毋須接受化療和電療,現時主要留家休養。

澄清非頂替朋友做檢查

何俊仁昨日接受本報訪問時透露,手術後要在家中定時做肺復蘇功能的吹氣運動,其間會感到痛楚,「但唔做運動就唔得,所以痛都要做」。何俊仁又指,雖然傷口不大,但呼吸時會影響周邊肌肉,所以比一般手術痛,但形容目前身體情況「OK」,「一日好過一日」。他明言,目前難以確定完全康復的日期,8月初須再到醫院覆診,「如果我恢復工作,都係頭頭做半日咁,但係我剛返屋企頭個幾日就一定唔做得嘢,因為𠵱家郁吓,如果一咳或講嘢講太多,都會好痛」。
他又親自道出發現患癌的過程,透露早前在一個飲宴上,一名醫生游說他一名朋友接受比一般身體檢查更精細的磁力共振檢查,他因坐在朋友附近,聽到該醫生的說法,才決定接受檢查,豈料意外發現自己患癌,不諱言覺得自己「好彩」:「我平時唔係無做檢查,但無今次咁深入,如果再做平時的檢查,可能就隔好耐先知道(患癌)」。
對於關心自己病況的朋友,何俊仁呼籲大家要保重身體,要作定期身體檢查,但坦言癌症有時「好難講」,「我都無食煙,但係都係咁(患肺癌)」。
■記者林俊謙

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載