› 選擇地區
三藩市
紐約
洛杉磯
其他美國地區
香港 台灣 北美
 
2017年07月26日

隔牆有耳:大嘥鬼遇飯鏟頭打孖上 - 李八方

書展收爐前,環境局局長黃錦星把握最後機會行咗一轉,亦同青協嘅青年人傾咗一陣偈,分享平時行山嘅所見所聞,自爆驚險一幕,好彩有驚無險。
真人版「大嘥鬼」身為環境局局長,年輕人當然問佢有乜行山地方推介?佢介紹位於地質公園嘅荔枝窩,大讚嗰度有幾百年嘅客家村,又結合環境生態,絕對值得一去。跟住有年輕人問佢有冇試過俾動物嚇親?佢話行山時遇過一家大細嘅野豬、黃麖,雖然未至被嚇親,但行行吓突然遇到都會打個突嘅,而最驚險嗰次就見遇到兩條俗稱「飯鏟頭」嘅中華眼鏡蛇,即係毒蛇,好彩當時兩條蛇喺度打緊交,唔得閒理大嘥鬼。黃錦星唔係空手而回,喺青協攤檔買咗3本書,仲參觀咗環保署攤位支持同事,仲同迷你版大嘥鬼相遇㖭(圖)。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載