› 選擇地區
三藩市
紐約
洛杉磯
其他美國地區
香港 台灣 北美
 
2017年07月21日

隔牆有耳:霍啟剛撐電競Bar開張 - 李八方

亞洲首間以電競為主題嘅酒吧噚日舉行開幕禮,霍啟剛都有撐場。

今年財政預算案話明要推廣電競,各界當然響應,香港電競總會新會所Versus Stadium喺荔枝角開張大吉,呢間係亞洲首間以電競為主題嘅酒吧,希望成為電競分子聚腳地,噚日舉行開幕禮,由於副會長係青聯副主席楊全盛,一班青聯兄弟包括霍啟剛、郭永亮及許華傑都有撐場,許華傑直情帶埋9歲囝囝現身,原來兩仔爺平時打機當親子活動。
創科局局長楊偉雄及政府資訊科技總監楊德斌亦現身主禮;前政助梁淑寶返老巢科瑉有限公司,八方問楊偉雄搵到新政助未?佢就話仲搵緊喎。一班男士講起電競眉飛色舞,楊全盛話由細到大都鍾意打機,試過入機鋪打機俾阿媽掹住耳仔秤出去,好鬼瘀;啟剛就自言讀書時會打機、玩槍game同即時戰略遊戲,但未至於沉迷嗰隻。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載